Hakata Concepts

今日带老豆去食铁板烧～入到嚟黄金海岸好耐无嚟啦！叫左两个铁板特选晚市＆刺身盛盒$298/位博刺身拼盘：甜虾、带子、赤身、油甘鱼、真鲷赤身系鲔鱼背部，不含油脂既部位。呈红色，因为吞拿鱼的肌肉里面含有大量肌红蛋白。而且含脂量少、肉质实、比较有咬口。甜虾正常size～都鲜甜。带子夹住青柠～更突出带子既甜，直击味蕾。真鲷肉质细致有弹性，味道清新淡雅同时带有一抹甘甜味。油甘鱼每口都充斥鱼油香气，独特清爽口感。跟住到蟹肉茶碗蒸～无太多既调味～蛋香嫰滑加埋一梳梳既蟹肉～原汁原味帆立贝四元豚北海道帆立贝～大粒饱满～芯仲好嫰滑配埋柚子酱汁非常清新。四元豚煎到8～9成熟，一口爆汁配埋昆布盐食，更有层次。渍物汤品：面豉汤＆红酒荞头渍红酒荞头渍成份有红酒，糖，醋，特别调味，清爽酸甜解腻一流。樱花虾炒饭：除左樱花虾，仲有蛋，葱，洋葱炒得非常干身，一d都唔油，每一淡都好香樱花虾既咸香味，作为最后一道菜，非常满足。装修别致～座位舒服，店员亲切有礼，好主动加菜收碟，主厨亦好有耐性讲解每道菜，非常专业😆老豆化身好奇宝宝，样样都问下，主厨好有耐性一一解答，下次会想嚟试下Omakase。