Hakata Concepts

最近成日落雨，刚刚天气转晴又近端午节，朋友话想去黄金海岸游龙舟水，咁我就提议游完水在附近揾食。系商场二楼揾到间日式铁板烧，环境一流，入去order咗298套餐。首先上剌身有五款，厨师提议我哋由啖味的鱼慢慢开始食到浓味的。每款刺身都非常新鲜好味。跟住上松叶蟹茶碗蒸，非常多蟹肉，入口啖啖鲜甜加上蛋滑，每啖都有满足感。厨师在我哋面前煎带子及豚肉，带子鲜嫩，豚肉入口好似食牛咁，juicy又香，厨师话加上昆布一齐食会提升味道，果然系我食过最好食的豚肉。面鼓汤配日本萝卜又唔错。最后樱花虾炒饭，我哋要求厨师加多d葱炒，厨师话每样都加多的料落去炒都可以，咁我哋紧系话好啦，饭就粒粒分明，香味十足。厨师态度非常好，服务员又不停帮我地加茶，餐厅环境又好。咁既价钱真系有d超值，可以得闲再食。