影片
更多
2015-02-23
1106 浏览
我的第1篇将军澳食评出炉喇!!! 查实... 我应该都系第1次系将军澳食饭...再查实... 我都系第3次入来将军澳咋, 简直超级大乡里出城Feel, Wakakaka...3次都系同Honey来将军澳的, 每次的主题都截然不同... 第1次, 睇楼!!! 又好似东港城, 又好似新宝城, 我都唔系好记得, 可能1次过睇2边, 1边实景1边楼花... 第2次, 亲友新居入伙House Warming... 第3次... 欲知后事如何, 请看下回分解...系东港城办完正经事, 当然顺便揾食啦... 外面落雨湿湿, 我地又人生路不熟, 顺理成章系东港城食埋...事前上开餐网做咗少少调查, 呢间上海婆婆336虽然排名唔高, 但装修几骨子... 系... 我系钟意食装修... 餐牌比装修特别, 怀旧味道浓厚...快餐店式的餐具... 硬胶...埋单无拎收据, 回家结算后好像有出入, 略为调查一下, 此店的FB专页有提及某些优惠不包茶介... 根据照片所显示, 只有茶, 没有介, 而且茶是大排档式, 绝对不值...椰菜回锅肉 $65-- 生平最讨厌的椰菜及回锅肉的混合体, 见到网民激赞, 迷糊地又
我的第1篇将军澳食评出炉喇!!! 查实... 我应该都系第1次系将军澳食饭...
再查实... 我都系第3次入来将军澳咋, 简直超级大乡里出城Feel, Wakakaka...
3次都系同Honey来将军澳的, 每次的主题都截然不同... 第1次, 睇楼!!! 又好似东港城, 又好似新宝城, 我都唔系好记得, 可能1次过睇2边, 1边实景1边楼花... 第2次, 亲友新居入伙House Warming... 第3次... 欲知后事如何, 请看下回分解...
系东港城办完正经事, 当然顺便揾食啦... 外面落雨湿湿, 我地又人生路不熟, 顺理成章系东港城食埋...
事前上开餐网做咗少少调查, 呢间上海婆婆336虽然排名唔高, 但装修几骨子... 系... 我系钟意食装修...
餐牌比装修特别, 怀旧味道浓厚...
快餐店式的餐具... 硬胶...
埋单无拎收据, 回家结算后好像有出入, 略为调查一下, 此店的FB专页有提及某些优惠不包茶介... 根据照片所显示, 只有茶, 没有介, 而且茶是大排档式, 绝对不值...
椰菜回锅肉 $65-- 生平最讨厌的椰菜及回锅肉的混合体, 见到网民激赞, 迷糊地又冲出战地以身体挡子弹, 心口真系挂住个勇字... 嗯... 味道出奇地OK㖞, 没有椰菜的怪味, 酱汁不会过浓, 回锅肉不是全肥, PASS...
开心果露笋炒牛肉粒 $85
-- 开心果同露笋都系卖飞佛, 不过... 开心果炒到湿淋淋咁, 口感好怪, Dislike... 露笋不够爽脆, 牛肉粒不提也罢...
黄金炒饭 $62
-- 赞椰菜回锅肉的网民赞埋黄金炒饭, 所以我又要试试... 真系好好好味呀!!! 饭粒干爽, 粒粒分明, 咸蛋黄平均地粘著饭身, 咸香鲜活, 谂起都流口水... 份量惊人, 2个人食得好辛苦先可以KO...
整体评价 : 想唔到, 原来系将军澳食饭系咁贵o架!!! 物价竟然同太古城一样?!! 好贵呀!!! 难怪KaKaMa话贵唔抵食啦...
饱餐一顿后, 行返MTR坑口站, 见到森林家族展览, 醒起网友CICI好似有份参展, 即时埋去八八... 原来真系呀!!! 好开心呀!!! CICI, 我打咗卡啦, 哈哈...DaDa... 第3次入来将军澳的原因...
Honey的新玩具 Olympus OM-D E-M10!!! 有人虎现眈眈中, 嘻... 行动第一步, 插旗!!!(主动借出松松熊相机带)Olympus OM-D E-M10的试用报告?!! 哈哈... 放心, 有时间一定会写, 请大家耐心等候~
张贴
