影片
更多
2022-04-24
1033 浏览
星期六1点去到，侍应表示walkin要留电话，大约1:45先有位。因为太想食加上附近想食既餐厅都系要排队，就决定等。我地行左个圈，1:45返到，侍应就安排我地入座，之后有其他客人walk in ，侍应都系同佢地讲要等45分钟。提早一日book枱最好。今餐总共用左4张海港城$50美食优惠券，埋单实付$268，抵食。只不过侍应比较cool ，无乜笑容。黄金脆炸小酥肉($78)系酥肉同姚姚鸡翼之间拣一款，最后拣左酥肉果然系无拣错。酥肉炸得酥脆，唔油腻。最怕炸野咬落得炸粉系无肉，但尼间既酥肉系有一条札实既肉 ，口感唔错。我地拣左正常辣度，辣度适中，麻麻地又辣辣地，好醒神开胃，惹味，推介。(个人口味S: 5/5)(个人口味E: 4/5)姚姚酸菜鱼($278)鱼片爽脆，唔会一夹就散，数量都好多，好似食极都有，辣度刚好。配料拣左宽粉($38)，系厚实既宽粉，大约一人份量，menu无写，系手机落单会见到。有2个鱼头，但系无肉食既。本身附有大量酸菜，都几好食。白饭($15)配酸菜鱼既汤汁惹味，𩠌饭一流。如果2个人食，觉得total起码叫3个配料比较合适/丰富。酸菜鱼个盆下面摆放蜡烛，保持温度够热，食完酸
因为太想食加上附近想食既餐厅都系要排队，就决定等。
我地行左个圈，1:45返到，侍应就安排我地入座，之后有其他客人walk in ，侍应都系同佢地讲要等45分钟。
提早一日book枱最好。
今餐总共用左4张海港城$50美食优惠券，埋单实付$268，抵食。
只不过侍应比较cool ，无乜笑容。
黄金脆炸小酥肉($78)
系酥肉同姚姚鸡翼之间拣一款，最后拣左酥肉果然系无拣错。
酥肉炸得酥脆，唔油腻。
最怕炸野咬落得炸粉系无肉，但尼间既酥肉系有一条札实既肉 ，口感唔错。
我地拣左正常辣度，辣度适中，麻麻地又辣辣地，好醒神开胃，惹味，推介。
(个人口味S: 5/5)(个人口味E: 4/5)
姚姚酸菜鱼($278)
鱼片爽脆，唔会一夹就散，数量都好多，好似食极都有，辣度刚好。
配料拣左宽粉($38)，系厚实既宽粉，大约一人份量，menu无写，系手机落单会见到。
有2个鱼头，但系无肉食既。
本身附有大量酸菜，都几好食。
白饭($15)配酸菜鱼既汤汁惹味，𩠌饭一流。
如果2个人食，觉得total起码叫3个配料比较合适/丰富。
酸菜鱼个盆下面摆放蜡烛，保持温度够热，食完酸菜鱼个汤仲系出紧烟👍
(个人口味S: 4/5) (个人口味E: 4/5)
每枱都有提供一壶茶。
见隔离枱有纸巾盒，可能忘记fill我地张枱？
餐厅系扫QR code落单。
好似只有酸菜鱼系由送餐机器人送餐，其他都系待应上菜。
张贴
