茶木‧台式休閒餐廳 (黃埔天地)

营业中

休息中

平日嘅晚上，同朋友去左黄埔一带觅食，黄埔不嬲都多野食。我地最后去左茶木。 茶木有好多分店，呢间咁啱又就脚。我地两个人叫左几样野share。Teawood红烧牛肉面主打系有原因牛肉三大件，够入味，但唔会过咸，肉质都几嫰滑，食落有咬口但唔会觉韧。配料红白萝卜入哂味，吸哂汤汁嘅精华。面质烟韧阔身，有一定嘅厚度，好食！路边摊小食，有甜不辣，盐酥鸡扒，同肉丸。盐酥鸡扒外脆内嫰，厚度啱啱好，肉质唔会太实，带微微蒜香。肉丸味道唔错，中间肉馅有肉汁。甜不辣味道唔错，食落唔会只得甜味。凤梨鲜果甜酸肉配肉燥饭，份量都几大份。凤梨鲜果落足料，凤梨新鲜又香甜，酸酸地好开胃，仲有其他生果，草莓，火龙果等等。甜酸肉有走过油，表皮香脆。肉质唔会太瘦或者太肥。肉燥饭足足一碗，同朋友食到饱饱。饮品朋友叫左冻黑糖奶茶，朋友钟意饮甜既觉得可以多d黑糖，唔系特别好甜嘅我念就啱啱好。我就试左 冻木栅铁观音奶茶+珍珠，木栅铁观音奶茶虽然冇得走甜，不过我觉味道啱啱好。木栅铁观音茶茶味好出，而且同奶夹得好好，奶茶幼滑，推荐！珍珠量好多，饮到底仲有唔少。整体味道唔错，选择都多，唔同地区仲有唔同分店，方便就脚。