陳茶館芋圓甜品專門店 (黃埔天地第3期百寶坊)

营业中

休息中

之前碌社交平台见到有款新出开心果甜品几吸引就bookmark 左，今日行开附近有分店就去试下。落完单等左一阵就有得食，第一眼望落去系草地个只绿，一般其他开心果甜品或食品比较墨绿，可能系唔同国家既品种导致。食落去唔算冻，有开心果味，质地比想像中流质，大概系比西米露再水小小。除左开心果粒重有芋圆同雪燕，三样加埋一齐食口感几丰富，有软有硬有烟韧，加上流质质地，食落去几清新，好岩夏天食，唔知冬天有无热食。唯一觉得可以调整系个开心果味可以丰富多小小，咁就好啦。