日常素食 (已結業)

近呢两三年越嚟越钟意食素，不过就未去到咁叻可以全素，所以一有时间就会同妈妈去食。今次又系拣返黄大仙中心北馆嘅日常素食，一来近妈妈屋企，二来好食嘅嘢系要返寻味！虽然已经加加埋埋嚟过5、6次，不过今次呢到多咗些少特色，真系谂都无谂过食素都可以有刺身，都几特别，另外冷盘嘅就系有多款选择嘅沙律吧，啱晒我呢类钟意食沙律嘅人！不过讲到我最钟意嘅热食系呢到嘅咕噜肉同埋萝卜糕，咕噜肉嘅汁唔会太酸而呛喉，而旧肉又确系好似，真系无得弹！另外呢到嘅一口萝卜糕，煎到好香口，又食到有萝卜丝，果然货真价实嘅萝卜糕，唔会放入口成口粉嘅感觉！其实热盘区嘅嘢食加埋都有廿几样，可以做到每样都好好味，呢到个厨师真系劲，就算我食肉兽嘅哥哥都话好味。