茶餐廳2.0 (已結業)

久闻黄大仙呢间分店可以欣赏到狮子山景色嘅茶餐厅，可惜今日门口位置满座，唯有下次啦！黎到当然食埋野先走，叫咗1个set dinner，一个天使面+$10就同set dinner一样包餐汤同饮，红汤白汤任拣，饮品水准OK。西西里茄蓉鲜虾天使面$88 - 天使面熟度好好，香浓蕃茄蓉配上香料，同时食到蕃茄味同香草味，唔错。西冷牛扒餐$128 - 系粗薯角呀！牛扒质素喺呢个价位有惊喜，牛味好浓。封煎嘅技术都OK，锁得住肉汁亦唔会太过熟，好香烧牛扒味道。朱古力心太软配雪糕$32 - 呢个价钱甜品舖都食唔到啦，呢度除咗平之外仲几好味，朱古力味龙，云呢拿雪糕软滑。整体上比较我上次食𠮶间分店，食物卖相、座位、服务都比较好。