牛摩+ (新都城中心二期) (已結業)

市面上日式打边炉好多，但系要揾一间系黄店嘅其实都唔容易，最近发现呢间嘅老板喺同牛涮锅嘅老板唔同，又系黄店，所以嚟试下。同其他日式边炉一样，佢系任食放题， 有唔同级数嘅牛肉套餐，价钱唔同，我哋今次拣嘅系牛小排，$269 再加一。牛肉嘅质素其实属于唔错嘅，虽然去嚟到第4盘比咗碟明显好肥既，侍应就解释话因为𠮶嚿肉咁啱可能砌到啲头头尾尾。我哋一晚叫咗大概六碟肉左右，都系得一碟有咁嘅状况。至于另外鸡肉猪肉𠮶啲就不过不失。 另外佢都系可以自己斟汽水，佢仲有两个沙冰，咖啡奶茶𠮶啲都有。至于菜/菇/丸etc都系自己夹, 但个啲嘅选择其实就好少，特别系啲丸好少，冇蟹柳冇芋丝个d，但有响铃。 佢仲有寿司同埋沙律系自助攞嘅。最后系甜品，佢有个冻柜嘅入面有啲迷你嘅泡芙﹑芝士饼﹑奶冻同水晶饼，坦白讲就真系麻麻地嘅。 另外就系有雪糕，都真系属于唔好食嘅，但系佢嘅toppings有六款，都算唔少嘅。整体嚟讲，佢主要问题系食物款式唔够多甜品唔好食，但overall系合格既。