影片
更多
2021-03-12
186 浏览
💛💛💛罗东肉焿番💛💛💛坦白讲帮衬佢系因为佢系一间黄店，所以都冇研究过佢系咪好食，就直接帮衬左🤔。等咗大约半个钟终于有得食，环境唔错，侍应好Nice🤣。一口盐酥鸡 $42两个字讲晒——好食。啱啱炸起外边脆卜卜，令人好想不停咁食😍。粉浆唔算太厚，鸡肉都仲系好嫩滑，食落去仲有啲肉汁流出黎💗。定价方面有少少进取， $42大概有十几粒细鸡粒，不过最紧要好食👍🏻！仙草芋圆1号（三色芋圆、蜜红豆、海藻水晶）$34呢个甜品系朋友嗌嘅，所以我净系试咗我个碗无既配料——蜜红豆同海藻水晶。蜜红豆算系两碗咁多种配料里边最正常嘅，甜甜地，正常红豆🤣。海藻水晶冇乜味，不过无味都总好过有怪味，咬落去好似硬硬地嘅啫喱，除咗无味以外都几好食😌。仙草芋圆3号（三色芋圆、波霸白玉珍珠、爆珠）$36平时就算食物有几难食都好，我都会尽量完成佢，因为唔想浪费食物😏。但呢碗糖水我真系搞唔掂，食落好似有浸药水味😖。芋圆算正常，虽然偏向粉味重，唔系好烟韧，芋头味亦唔知去左边，不过食得落口😎。波霸白玉珍珠味道都系正常嘅，平平无奇，好在都算烟韧。爆珠好难食，每次咬开啲爆珠，就有浸好似药水既液体爆出黎，佢完全影响到成碗糖水，所有野都变得怪怪
坦白讲帮衬佢系因为佢系一间黄店，所以都冇研究过佢系咪好食，就直接帮衬左🤔。等咗大约半个钟终于有得食，环境唔错，侍应好Nice🤣。
一口盐酥鸡 $42两个字讲晒——好食。啱啱炸起外边脆卜卜，令人好想不停咁食😍。粉浆唔算太厚，鸡肉都仲系好嫩滑，食落去仲有啲肉汁流出黎💗。定价方面有少少进取， $42大概有十几粒细鸡粒，不过最紧要好食👍🏻！
仙草芋圆1号（三色芋圆、蜜红豆、海藻水晶）$34呢个甜品系朋友嗌嘅，所以我净系试咗我个碗无既配料——蜜红豆同海藻水晶。蜜红豆算系两碗咁多种配料里边最正常嘅，甜甜地，正常红豆🤣。海藻水晶冇乜味，不过无味都总好过有怪味，咬落去好似硬硬地嘅啫喱，除咗无味以外都几好食😌。
仙草芋圆3号（三色芋圆、波霸白玉珍珠、爆珠）$36平时就算食物有几难食都好，我都会尽量完成佢，因为唔想浪费食物😏。但呢碗糖水我真系搞唔掂，食落好似有浸药水味😖。芋圆算正常，虽然偏向粉味重，唔系好烟韧，芋头味亦唔知去左边，不过食得落口😎。波霸白玉珍珠味道都系正常嘅，平平无奇，好在都算烟韧。爆珠好难食，每次咬开啲爆珠，就有浸好似药水既液体爆出黎，佢完全影响到成碗糖水，所有野都变得怪怪地😂，我真系完成唔到。
点解个食评会喺食完之后两个月先打呢，系因为印象太深刻，睇返相都仲记得边啲好食边啲难食，好需要打出黎比大家睇🥲。因为佢系黄店，所以我唔会一下子讲话以后都唔会食，但希望佢真系正视一下仙草糖水嘅问题。埋单$112（无加一）
张贴
