MeeMeeMe (已結業)

今日去黄竹坑办事，办完之后已经系放工时候，约咗响黄竹坑返工嘅闺蜜晚餐。去介绍我嚟到呢间餐厅试吓。呢间餐厅都好近黄竹坑地铁站，但系就响横街一个比较低调嘅位置。我哋叫咗一个burger同一个意粉share食，然后再每人叫咗一杯饮品。软壳蟹汉堡配薯条汉堡包卖相好吸引，软壳蟹超大只，突晒出个汉堡包之外。一口咬落去汉堡包经过烘焗，香脆松软，软壳蟹香脆，但一点都不油腻，炸浆好薄，啖啖肉而且仲有蟹膏，连同新鲜爽脆嘅生菜同蕃茄加上千岛酱一齐食，好满足。薯条系粗薯条，新鲜炸起，条条金黄香脆，内里粉嫩，薯条上面仲洒左啲粗盐，沾上茄汁一齐食，冇得输。蟹膏蟹肉意粉意粉份量好多，蟹肉好澎湃，铺满晒成碟意粉，保证你每一啖都有蟹肉，蟹迷必爱。意粉嘅酱汁都几香浓，而且好挂面，意粉软硬度适中，唔错。芝芝火龙果大大杯，颜色好靓，饮得出系由新鲜嘅红火龙果打成，好清甜，芝士奶盖咸香咸香，同火龙果果汁好夹。芝芝莓莓朋友拣咗呢杯，佢都赞呢杯饮品好好饮，又新鲜多种杂莓打成，劲多芝士奶盖，佢好钟意，减肥都要饮完先再减。总括而言，我哋都对呢餐好满意，朋友冇介绍错，呢间食物味道唔错，物有所值。下次再嚟可以再试吓去其他东南亚风味嘅面食。