影片
更多
2010-08-19
875 浏览
最近发现返工经过既黄竹坑有间新酒店落成，就系L'Hotel Island South，再上网search下有冇做buffet，原来做紧「南湾海洋鲜味自助晚餐」兼有promotion discount，甘就上个星期同屋企人去试下顺便享受一下家庭乐果晚入到间酒店(P3 Floor)就系个甜品雪柜，里面d dessert真系好精致。入到去坐低，梳化加埋个腰枕都好舒服，而且环境夹灯光都几有格调，10分满分可以俾佢7分食物方面，由于推广期内惠顾自助餐的客人可获赠一客原条野生海斑，或可选择送赠的阿拉斯加皇帝蟹脚(以日本清酒西洋蒜烹调)。故此看见每人枱面上都有条海斑，就好心急同侍应落order，由于条鱼是即叫即蒸，所以系等既时候我地就去扫场啦刺身：种类都有六款左右，三文鱼鲜甜。串烧：有牛扒、羊架、翠玉瓜、茄子、虾等，味道不错，尢其是牛扒个汁，好味又好夹汤类：有2款汤，中式and西式，西式既磨茹汤super yummy呢热盘：食物有，香芒猪柳、炆双菇、牛仔骨，白汁意粉，就系只得呢４款，而全晚都系不断refill番呢4款从来都无转过其他款式，所以款式较少，虽然经常refill，但因为唔会转款，所以行完几
果晚入到间酒店(P3 Floor)就系个甜品雪柜，里面d dessert真系好精致。入到去坐低，梳化加埋个腰枕都好舒服，而且环境夹灯光都几有格调，10分满分可以俾佢7分
食物方面，由于推广期内惠顾自助餐的客人可获赠一客原条野生海斑，或可选择送赠的阿拉斯加皇帝蟹脚(以日本清酒西洋蒜烹调)。故此看见每人枱面上都有条海斑，就好心急同侍应落order，由于条鱼是即叫即蒸，所以系等既时候我地就去扫场啦
刺身：种类都有六款左右，三文鱼鲜甜。
串烧：有牛扒、羊架、翠玉瓜、茄子、虾等，味道不错，尢其是牛扒个汁，好味又好夹
汤类：有2款汤，中式and西式，西式既磨茹汤super yummy呢
热盘：食物有，香芒猪柳、炆双菇、牛仔骨，白汁意粉，就系只得呢４款，而全晚都系不断refill番呢4款从来都无转过其他款式，所以款式较少，虽然经常refill，但因为唔会转款，所以行完几次见到都有d闷。
咖哩：印度黄咖喱、泰国青咖喱、海南海鲜咖喱，有不同的辣度、配菜，另有丝苗白饭及印度烤饼可供配搭，三只咖哩味道都几正
沙律：可以用差字形容，只有薯仔沙律、通粉沙律，自己配搭的亦只有几款菜，连粟米、红腰豆、提子干、洋葱都无呀! 所以真系几差。
冷盘：有四款特色小食- 虾沙律杯、蟹柳拼冷面、三文鱼层层叠、什么火腿拼蜜瓜，呢四款味道都唔错，系什么火腿有筋，好难嚼。另外仲有几款火腿、冻猪手片同埋烟三文鱼。
海鲜：源源不断咁补充长脚蟹，磥等等既海鲜，但款式唔多。
水果: 只得四款- 新鲜菠萝、西瓜、哈蜜瓜同埋莲雾。
甜品: 之前睇网上睇话有成80款，但当日唔见有wor，有稳阵既new york cheese cake，各款mousse cake，不过mousse cake全部都唔系咁好味！另外仲有木糠布甸，焦糖布甸，呢２个都几好味，有朱古力喷泉，蛋散，仲有２款乳酪ice-cream，但就连最basic既班戟都无！梳乎里都有不过次次行过去都无，原来要预早同师傅讲定佢下转先会焗你果份，因为佢有２部机，每部放４个，所以每次只能出炉８个，最后试了１个，但原来味道系无想像中咁好！
至于甜品呢方面，因为ｄ甜品系放落柜度既，所以每次都要排队叫师傅拎的，而呢点亦都系是次我们全家人一致认为最唔好之处喇！因为大家好期待既甜品，自自然然就会好贪心好多款都想试而每款都拿一ｄ咁嘛^^ ，不过因为每次都要经师傅先拎到，而且有时亦要排队，加上我今日个师傅又唔系好耐烦咁，我叫完个cheese cake再叫佢要多件mousse cake，本身我仲想叫佢要个布甸但见佢个样都几黑面咁，所以我就无叫到而只系拎左２款，之后讲番个case比屋企人听原来大家都有一样既同感，就系拎甜品拎得唔够尽兴喇！虽然佢系无限制，师傅亦都无讲明只限拎几多款，但每次排到自己都比成条队既人睇住你叫边几样同几多款既时候，好自然系会感到尴尬而唔能够尽情享受！不过呢点都系我同屋企人既感觉同意见啦！始终各人都有唔同既喜好嘛！^^
最后，其实最值得一赞的就是那道送既原条野生海斑（可以选择要阿拉斯加皇帝蟹脚），我地４个人要左１道蟹脚，蟹脚就叫完之后好快就到左啦，味道就普通喇，至于另外３道都要海斑，因为可能蒸要需时，所以大约系食既途中约45mins左右就送来啦，每人１条都好大条，每条８两，好新鲜，好好味，我地全家人都好满意呢条鱼，哈哈。尤其系妈妈，因为本身妈妈唔好生冷食物，即系鱼生，冻既海鲜同冷盘佢通通都唔食的，至于热盘，因为只得４款而且完全无转过其他款式，所以妈妈今晚其实唔系太满意的，而佢自己亦话全晚最好味都系呢条鱼架啦！所以大家如果会黎食呢个buffet的话就真系推介要送鱼啦
总括而言或者呢道系黄竹坑对于好多人黎讲比较远同陌生，亦因为咁所以人流都唔算多，所以buffet供应既食物相对而言选择亦比较少呢？不过呢度始终系新开所以依然有好多可以改善既空间，食物种类如果都不能增加的话，或可尝试将那４道原封不动既热盘，都从适当的时候转换一下款式吧！因为始终相信，食物款式更多元化才能吸纳更多客人呢！
总数：＄１５９２（４位）
30% Discount 后 ：＄１１１４．４
另10%加一服务费：＄１５９．２
Total ：＄１２７３．６
即每位原本３９８，呢家每位＄３００左右，７折的话是抵的，不妨一试啦
张贴
