影片
更多
2023-08-20
305 浏览
置乐秋香个名震天下嘅白鳝煲仔饭我一直都跃跃欲试，估唔到今个礼拜同阿仔嚟黄金海岸 Staycation 有个咁嘅机会有幸一亲香泽，我都系今次入嚟先知道原来佢喺黄金开咗分店。餐厅嘅装潢同置乐分店同出一辙，以绿色同埋金色作主调，系好有特色嘅轻奢风格，整体感觉良好。味噌汤、渍物，味噌汤系令人最满意嘅温度，渍物有韩式泡菜同埋日式酸萝卜，仲有呢一个咁特别嘅味醂鲣鱼汁卤鹌鹑蛋，味醂嘅甜同鲣鱼汁嘅香充分发挥喺呢一粒小小嘅鹌鹑蛋之内，非常特别。黎明来到，呢一杯咁有诗意嘅特饮系由柠檬汁、橙汁同埋石榴汁糖浆调配而成，味道酸爽清甜，除咗可以打卡之外仲非常开胃。自家酿西柚柠檬话梅伯爵茶，饮品以有齐西柚柠檬话梅以及伯爵茶的味道，整体感觉极富层次，特别钟意饮品底下以粒粒西柚作堆砌，连口感都照顾埋，赞。威士忌烧蚝，落单嘅时候侍应提醒个烧蚝系大约烧到两三成熟，半熟烧蚝嘅美味令人十分期待，入口系夹杂住生蚝嘅鲜味同熟蚝嘅蚝味，加上面头嘅三文鱼籽同埋香葱点晴，非常出色。秋香盐烧白鳝煲仔饭，卒之嚟到呢个我期待已久嘅白鳝煲仔饭，见到面头厚揼揼嘅烧脆鳝辘同埋只动L嘅窝蛋已经令人食指大动，夹起啲脆鳝，将只蛋同啲饭捞匀，再用个铁匙羹摷
置乐秋香个名震天下嘅白鳝煲仔饭我一直都跃跃欲试，估唔到今个礼拜同阿仔嚟黄金海岸 Staycation 有个咁嘅机会有幸一亲香泽，我都系今次入嚟先知道原来佢喺黄金开咗分店。餐厅嘅装潢同置乐分店同出一辙，以绿色同埋金色作主调，系好有特色嘅轻奢风格，整体感觉良好。
味噌汤、渍物，味噌汤系令人最满意嘅温度，渍物有韩式泡菜同埋日式酸萝卜，仲有呢一个咁特别嘅味醂鲣鱼汁卤鹌鹑蛋，味醂嘅甜同鲣鱼汁嘅香充分发挥喺呢一粒小小嘅鹌鹑蛋之内，非常特别。
黎明来到，呢一杯咁有诗意嘅特饮系由柠檬汁、橙汁同埋石榴汁糖浆调配而成，味道酸爽清甜，除咗可以打卡之外仲非常开胃。
自家酿西柚柠檬话梅伯爵茶，饮品以有齐西柚柠檬话梅以及伯爵茶的味道，整体感觉极富层次，特别钟意饮品底下以粒粒西柚作堆砌，连口感都照顾埋，赞。
威士忌烧蚝，落单嘅时候侍应提醒个烧蚝系大约烧到两三成熟，半熟烧蚝嘅美味令人十分期待，入口系夹杂住生蚝嘅鲜味同熟蚝嘅蚝味，加上面头嘅三文鱼籽同埋香葱点晴，非常出色。
秋香盐烧白鳝煲仔饭，卒之嚟到呢个我期待已久嘅白鳝煲仔饭，见到面头厚揼揼嘅烧脆鳝辘同埋只动L嘅窝蛋已经令人食指大动，夹起啲脆鳝，将只蛋同啲饭捞匀，再用个铁匙羹摷起煲底嘅饭焦，白鳝入口弹牙，肉质扎实，明显系新鲜货，加埋面头嘅鳗鱼汁搭少少嚟捞饭，招牌果然系招牌。
张贴
