PHO 會安 (已結業)

本身好喜欢食越南粉！见评分咁高！点都要去试下！一行八人，被安排到由三张双人台合拼既大台！其实真系好迫！但反映几次都系意见接受，态度照旧！大约叫左3碗生牛肉粉，2个纸米卷，软壳蟹柚子沙律，牛柳粒红米饭，虾沙律，咖哩牛腩加法饱！其实都算系试过其中一间比较渣既越南餐厅！生牛肉粉-牛肉份量足够，有牛肉味同都几淋！汤温度够热！但解决唔到放左牛肉后影响汤既温度！汤头实在太淡！接紧冇味！一般食越南粉我系冇剩汤除非…又冇跟辣椒，香叶，士拉差，海鲜酱！可能唔同省份都有唔同食法！纸米卷算系咁多味野叫做做得唔错！但跟个酱就麻麻地！虾沙律，牛柳粒红米饭-中规中矩！咖哩牛腩-个牛腩一般到唔一般！个法饱黎到系冻！又唔脆！软壳蟹沙律-我见到个炸浆已经冇谂住食！最后一提就系服务有好大改善空间！有个姐姐企系门，叫亲佢都元坛咁既面口！希望餐厅可以系食物同服务有所改善！因为系香港揾间有质素越南餐厅好难！