西苑酒家 (太古城中心)

营业中

休息中

我哋一个月都有去一两次西苑食晚饭，啲男经理同部长及待应永远都系黑口黑面，成日企系熟客张枱倾计，其他唔系熟客就唔理！落单嘅女待应，两个人食就比四人份量嘅例汤，价钱多咗几十元，但两个人确实饮唔晒，每人三碗仲有剩，如果两个人去，大家落单时一定要讲明二人份量嘅例汤，否则落错Order! 个汤煲边烂晒都继续用，好危险！例汤系𫠒鱼莲藕汤，好咸好似有落味精！另外南瓜炒黑毛猪，啲油好多，又肥又肥腻，又重味精，完全失晒水准！蒜蓉炒通菜就比较好，酒楼嚟讲算大碟，通菜都新鲜，嫰口唔老！最后有糖水送，有红豆沙同绿豆沙比我哋拣，我哋拣咗一个红豆沙一个绿豆沙，个黑口黑面嘅女职员落单嘅时候又听唔清楚，比咗两碗绿豆沙，然后就挂住走去啲熟客𠮶度倾计，成间酒楼啲职员都系咁样，仲有呀每次饮完汤都系要我哋自己动手去添汤，其他酒楼点会咁样㗎，呢间酒楼如果再继续用呢班员工简直赶客，希望佢哋有所改善！