Terrace in seaside (海運大廈)

营业中

休息中

嘢食唔伏，但唔值咁贵当日下午4点几入座，唔使排队，serve我嘅男侍应几好礼貌。成餐饭正正常常，冇乜特别。正当我觉得成个用餐体验几好嘅时候，有一个女侍应打破咗我成个用餐感受。我向一位啡色长直发（当日佢扎马尾）嘅女侍应讲埋单，佢冇乜笑容，但都预咗做尼一行咁攰，又唔系fine dining，所以对尼方面都冇乜要求。但都唔系一嘢「对」张单埋尼落张枱呀大佬。佢黑面冇表情之余，一句「多谢小姐你$xxx」或者类似嘅说话都冇。冇任何声 + 冇表情，成个feel好似追紧我数咁… 茶记啲姐姐都好态度过佢…咁我check完单，就俾钱 (连埋4张海港城dining coupon)，之后佢突然俾翻一张coupon我话用唔到（当然又系冇表情喇）。我问点解，佢话系计加一前个金额，所以只可以用3张，之后即刻头也不回咁走咗，但个时餐厅唔系full场，咁样走咗佢，劲冇礼貌，同埋搞到我想即刻加多杯嘢饮用埋张coupon都唔得（个阵佢系未帮我埋单）。我有谂过，究竟𠮶位女待应系咪心情差，所以服务态度先咁差呢？但又唔系㗎㖞，我见住佢同某位男职员有讲有笑，非常开心。如果佢都可以用翻差唔多嘅态度去工作，我嘅用餐体验就唔会咁差了。