甘味讚岐手打烏冬 (已結業)

午餐时段行过甘味乌东见有位，坐入去食个普通lunch，叫左个黑咖哩牛肋肉蛋包饭配冻柚子密。原本谂住一个普通 lunch set冇咩期望。黑咖哩牛肋肉蛋包饭一黎到，心谂﹕咦，卖相唔错wo先试一啖蛋包饭，蛋上面有沙律酱，饭系咖哩饭重有咖哩汁系入面，沙律酱令蛋味大大提升，配合咖哩饭底既香味有三个层次。黑咖哩牛肋肉有d似红酒烩牛肉个种味，甜甜地有丰富既咖哩香料味，介乎日式咖哩同印度咖哩之间。牛肋肉淋身好有牛肉味，部份位置更有芝士拉丝，牛肉味加黑咖哩加芝士拉丝又有三个层次既味道。同蛋包饭一齐食，调味非常丰富，以一个普通 lunch set 味道上完全满足。冻柚子密正常野，几香柚子味，好多地方都饮到。性价比唔错，连服务费66蚊，味觉好满足，绝对可以encore再食。