黑布小巷

营业中

休息中

之前食过黑布小巷既荔枝角分店，见到最近佢开到黎大角咀，又黎食下～黎到一定要叫佢地既招牌吐司！上次食过鸡扒既，今次试肉蛋吐司，两款都好好食！1⃣️麻辣鬼椒肉蛋吐司（$58） 佢地既吐司真系必点既🤩两片猪扒食落一啲都唔干而且带少少腌过既甜味，配上流心蛋汁同芝士🧀食落够邪恶！吐司表面烘过，唔算好脆好脆，但系就食落好香～  2⃣️蕃茄红烧牛肉面（$88） 面要咬口，萝卜煮得好淋一咬就烂。另外牛肉份量好多都系煮得好淋好入味😋汤底系好浓既牛肉汤，番茄味道唔算好强，但系成个汤底好浓郁，仲有啲烂左既牛肉碎碎。另外粒蛋似系铁蛋，偏硬既。  3️⃣芝士吞拿鱼粟米蛋饼（$42） 佢地呢度既蛋饼又系值得encore的！蛋饼皮唔算存在感好强，入面馅料爆多，啲吞拿鱼真系多到夹起都feel到佢既重量，一唔小心就会跌出黎😝  4️⃣手工卤肉慢烤鸡扒便当（$68） 系我钟意既铁路便当feel。有粒粒腩肉碎、炒椰菜、酸菜、粉丝、粟米，捞埋食劲丰富！跟住鸡扒都很出色！慢烤鸡扒嫩滑带蜜香，仲有两大件！性价比一流！  5️⃣夜市虾卷（+$28） 佢外皮好脆身😳同我系其他台式餐厅食到既唔同，似系啱啱炸起。  6️⃣桂花乌龙（+$12） 无糖茶解腻！