影片
更多
2020-03-23
221 浏览
特别钟意喺黑布街揾，贪佢呢度够多隐世嘅小店，今日就嚟到其中嘅呢一间居酒屋品尝一下。前菜系花生麻酱秋葵，麻酱秋葵就食得多，加埋花生都系第一次试，花生同麻酱嘅香味好夹。 时令刺身，时令刺身分别系八爪鱼、油甘鱼、深海池鱼同埋中拖罗，首先试一试个八爪鱼先，平时通常觉得最下栏嘅八爪鱼，材料新鲜就成为上菜，呢度嘅八爪鱼爽口弹牙，唔会好似出面啲餐厅好似食擦子胶咁；油甘鱼肉质厚实滑嫩，鱼肉细致甘甜，入口即融；深海池鱼脂肪比例适中，口感爽嫩，肉质有弹性得嚟带啲油份，味道甜美；中拖罗嘅色水唔使讲， 真系靓到一个点，鱼肉粉红，呈白色带网纹嘅筋，中间肌理分明，有如和牛般霜降般嘅效果，网纹嘅肉筋不带半点渣，入口松化即溶，肉质油润而软滑，鱼味浓郁，是为上品。帝松，侍应推介呢只帝松经典嘅「淡丽辛口」清酒，具有辛辣嘅味道，清新嘅香气，顺喉同埋清爽嘅回甘，餐厅提供嘅酒杯亦都非常特别，以锡嚟打造嘅外壳，里面再造一层镀金，有少少以前皇帝𠮶种气派。串烧猪五花，四成肥六成瘦嘅猪五花，烧过之后油脂爆发，惹人垂涎，一摆上枱已经闻到淡淡嘅油香， 只系轻轻以海盐黑椒同埋七味粉调味，已经相当好食。 串烧鸡尾，串烧鸡尾骚味唔算太浓，同行嘅
特别钟意喺黑布街揾，贪佢呢度够多隐世嘅小店，今日就嚟到其中嘅呢一间居酒屋品尝一下。
前菜系花生麻酱秋葵，麻酱秋葵就食得多，加埋花生都系第一次试，花生同麻酱嘅香味好夹。
时令刺身，时令刺身分别系八爪鱼、油甘鱼、深海池鱼同埋中拖罗，首先试一试个八爪鱼先，平时通常觉得最下栏嘅八爪鱼，材料新鲜就成为上菜，呢度嘅八爪鱼爽口弹牙，唔会好似出面啲餐厅好似食擦子胶咁；油甘鱼肉质厚实滑嫩，鱼肉细致甘甜，入口即融；深海池鱼脂肪比例适中，口感爽嫩，肉质有弹性得嚟带啲油份，味道甜美；中拖罗嘅色水唔使讲， 真系靓到一个点，鱼肉粉红，呈白色带网纹嘅筋，中间肌理分明，有如和牛般霜降般嘅效果，网纹嘅肉筋不带半点渣，入口松化即溶，肉质油润而软滑，鱼味浓郁，是为上品。
帝松，侍应推介呢只帝松经典嘅「淡丽辛口」清酒，具有辛辣嘅味道，清新嘅香气，顺喉同埋清爽嘅回甘，餐厅提供嘅酒杯亦都非常特别，以锡嚟打造嘅外壳，里面再造一层镀金，有少少以前皇帝𠮶种气派。
串烧猪五花，四成肥六成瘦嘅猪五花，烧过之后油脂爆发，惹人垂涎，一摆上枱已经闻到淡淡嘅油香， 只系轻轻以海盐黑椒同埋七味粉调味，已经相当好食。
串烧鸡尾，串烧鸡尾骚味唔算太浓，同行嘅女仔都食得津津有味，既可以享受软骨嘅清脆，又可以同女伴一齐分享，的确好极。
酱油花螺，酱油花螺煮得相当入味，基本上乜嘢都唔使点，净系享受日本酱油同埋味醂对螺肉嘅加持， 已经相当满足。
烧池鱼，柚子酱油，厨师将烧池鱼嘅火侯掌握得刚刚好，池鱼烧得皮脆肉嫩，散发著香浓嘅池鱼鱼味， 点一点个酸酸地嘅柚子酱油，更能刺激味蕾。
水信玄饼，水信玄饼喺香港唔系好多居酒屋有得食，一喺餐牌度见到即刻心心眼，围绕住玄饼嘅黑色光环系冲绳黑糖，玄饼同黑糖呢个配搭都几好，为今晚划上一个圆满嘅句号。
张贴
