黑布小巷 (黑布街) (已結業)

喺旺角行到饿饿地最适合扫街，其实黑布街有唔少特色餐厅，有Knockbox、甜品店、安东奶奶鸡，今次试新野食吐司😝《台式肉蛋吐司 $46》采用美国榖饲猪扒，质感嫩滑唔干柴，金黄色半熟流心蛋几有蛋香，脆口吐司配埋自家制酱汁，大大啖几好食，好辣之人仲有另外2款选择。《古早味蜜芋头捞三色圆 $38》有芋圆、地瓜圆、紫薯圆，自家制口感烟靱，呢款芋泥比芋泥球好食，香味甜味都好够，口感滑身，亦食到唔少原粒芋头，相信会满足到芋泥控～《原味芋泥球 $18/3粒》芋泥球可试可不试，虽然炸到热辣辣，但食落有d干，而且味道好似唔够香。