影片
更多
2018-07-31
1084 浏览
姨甥仔考完试，世界杯亦完咗，卒之约到佢食饭，依家啲学生真喺大忙人，成日都话要补习、补课。佢住晌奥运，落大角咀食就最方便，选择多，平靓正，就好似今晚到访嘅「Villa Villa」，意粉、薄饼啱晒佢，仲有唔健康嘅炸薯条，全部都喺佢「飞弗」。餐厅位处埃华街街口，由奥运站行过嚟都唔算耐，其实，呢条街开到成街都喺餐厅，变相喺一条食街嚟。推门内进，环境四四方方，装修简洁明亮，右边喺4人卡位，左边则喺6人长枱，不过，好似我哋得两个人，就会安排坐6人枱，有心理准备要搭枱喔。餐具已放晌枱上嘅木盒，转头店员都会拎支水俾客人自己「照顾」自己，唯一喺无放定啲餐纸巾晌枱上，不过，你问到，店员都会好快手递上餐纸巾。餐牌前前后后共4页纸，其中一版算喺晚餐，包括全日早餐、汉堡、意大利面、意大利饭，部份菜式包意大利香草包及餐汤（唔明点解其中两款菜式唔包），亦唔包餐饮，需+$15拣选指定款式，无得再补差额之类转款，感觉有欠弹性。另一版就喺招牌嘅10吋薄饼，共10款选择，卖点在于使用意大利"00"号面粉，而且，加入墨鱼汁做成黑底。此外，仲有啲惹味小食。剩低𠮶两页名为「创作料理」，并非套餐，但以组合形式登场，一边喺指定嘅创
餐厅位处埃华街街口，由奥运站行过嚟都唔算耐，其实，呢条街开到成街都喺餐厅，变相喺一条食街嚟。推门内进，环境四四方方，装修简洁明亮，右边喺4人卡位，左边则喺6人长枱，不过，好似我哋得两个人，就会安排坐6人枱，有心理准备要搭枱喔。
餐具已放晌枱上嘅木盒，转头店员都会拎支水俾客人自己「照顾」自己，唯一喺无放定啲餐纸巾晌枱上，不过，你问到，店员都会好快手递上餐纸巾。
餐牌前前后后共4页纸，其中一版算喺晚餐，包括全日早餐、汉堡、意大利面、意大利饭，部份菜式包意大利香草包及餐汤（唔明点解其中两款菜式唔包），亦唔包餐饮，需+$15拣选指定款式，无得再补差额之类转款，感觉有欠弹性。
另一版就喺招牌嘅10吋薄饼，共10款选择，卖点在于使用意大利"00"号面粉，而且，加入墨鱼汁做成黑底。此外，仲有啲惹味小食。
剩低𠮶两页名为「创作料理」，并非套餐，但以组合形式登场，一边喺指定嘅创作料理拼盘，另一边则喺自由选择嘅主菜，定价由$98-$158，视乎所拣嘅主菜。
而所有饮品，如咖啡、特饮、乳酪、汽水……等等，就印晌另一张餐牌上，制作比较简单。
无意中，仲发现枱上嘅推介餐牌有样「笋」嘢，就喺叫「黄金炒薯条」一客，就会免费送特饮一杯，咁著数就无理由错过嘅。
黄金炒薯条 $68近排真喺好兴啲黄金乜乜乜，以小弟为例，早前先试过Sodam Chicken嘅「黄金咸蛋炸鸡」，以及沙嗲轩嘅「黄金脆鱼皮」，今趟嘅「黄金炒薯条」就喺异曲同工，炸好嘅薯条加入咸蛋黄兜炒，所以，入口宁舍咸香惹味。不过，食太多会有偏咸嘅感觉，3-4个人共享就最好，浅尝得嚟啱啱好。
黄金炒薯条
$68
15 浏览
0 赞好
0 留言
晚餐嘅餐汤及餐包转头就送到嚟，碗蕃茄浓汤色泽对办，入口亦无落差，蕃茄味好浓郁，酸香鲜活，口感够晒细滑，有啲意外惊喜；餐包喺意大利香草包，喺小弟嘅心水包款之一，够香软，但香草味淡，睇包身，应未有晌搓包时加入香草，似喺同用薄饼嘅面粉团，再晌包面糁上香草做成。
鲜虾扁意粉 $108餐牌已写明喺配以罗勒蒜香微辣蕃茄汁，所以，未食都预计到个味道，但食落比预期中好㖞。扁意粉煮得有咬口，口感绝对喺啱啱好𠮶只，而且，挂满汁酱，味道有层次，辣度轻盈，却更令人醒胃；鲜虾去晒壳，饱满大只，鲜甜而爽弹，果然有水准。
鲜虾扁意粉
$108
27 浏览
0 赞好
0 留言
双重芝士薄饼（加西班牙辣肉肠） $138+$30呢个姨甥仔真喺芝士控嚟，上次同佢去大角咀间「萨莉亚意式餐厅」，佢点个「黑椒鸡肉薄饼」都要加双重芝士，所以，早估到佢会点「双重芝士薄饼」，但斋芝士有啲寡，所以加西班牙辣肉肠。虽然话饼底加入新鲜墨鱼汁做，除色泽变灰之外，味道就唔会太多特别，但呢度喺做「饼干底」，焗得香脆，咬落咯咯声；饼面铺满水牛芝士，再有粒粒嘅忌廉芝士，加埋落得无手软嘅辣肉肠，口感、味道都一流，咸香惹味，好食到唔停手呀。
双重芝士薄饼（加西班牙辣肉肠）
$168
12 浏览
0 赞好
0 留言
冻柚子蜜（跟餐）+$15话喺柚子蜜，都加咗少少梳打，所以，饮落爽多少少，味道OK啦，喺嫌佢多冰得滞啫。
荔枝冰红茶（跟黄金炒薯条）反而，姨甥仔话佢杯茘枝冰红茶好饮㖞，茶底芳香而不苦涩，荔枝味亦够突出（都喺糖浆功劳啫）。
有一点较奇怪，通常卖意大利菜嘅餐厅都会有一、两款甜品提供，但眼见餐牌就唔多见嘞。姨甥仔佢下年就要考文凭试，希望把握埋今年，唔好再迤吓迤吓咁啦。因为时间飞逝，转眼又一年。
张贴
