源興美食

营业中

休息中

放工谂唔到食乜好，老公提议食呢间，我问点解吖！响边度？听都未听过，佢话系YouTuber推介过话好好味，好正㖞⋯⋯咁我哋就7:00左右walk in入去，可能时间尚早，只有一枱客，舖头唔系好大，大概可以5-6枱坐右啦！而眼见大部分枱都应该已经系预约咗！我哋点咗叉烧、大肠、酿鸡翼、扇贝同埋青瓜海蜇！叉烧一上枱、热辣辣好香好淋，几好味，另外店员推介嘅酿鸡翼同扇贝我就真系觉得麻麻，扇贝蒸得过咗火所以过熟又啲奀，而鸡翼炸得几脆口，可惜完全冇味咁，而大肠亦味道欠奉，但感觉到佢系心机菜，而海蜇青瓜亦不错，都几入味！但整餐饭亦觉得偏贵，唔太值！因为招呼冇乜，环境亦欠舒适