熾工房 (已結業)

公司附近食饭食到闷，同事介绍呢间炸鸡虽然系小店但系有良心又好食，仲要价钱唔贵，所以衬今日有个long lunch time一于行远两条街都要试一试舖头唔算好大不过空间感十足，原来餐厅系由长洲开始，长洲可以嚟到西营盘开分店，果然犀利，叫完餐之后等咗10 分钟左右先有得食，原来系即叫即整，想食好嘢就要有耐性等吓。叫咗一份炸鸡配薯条，我见到有黑松露酱，所以贪心啲加咗少少钱要黑松露酱，因为早几日喺大型R字西餐厅食黑松露薯条一份薯条都要几十蚊，呢度成个套餐都系几十蚊，加个黑松露酱都系加$12 ，所以薯条控的我点都要试。炸鸡一上枱已经闻到好香，最紧要系新鲜整起，连薯条都系新鲜炸起脆卜卜，粗薯条再点唔同嘅酱汁，味道即刻升级，黑松露酱好香好creamy ，但估唔到原来蜜糖芥茉酱仲好味，酸酸甜甜有芥末味但系唔会好辣，两个酱都非常好食，超正啊！焗鸡有两旧，无炸鸡咁热气，味道浓郁，鸡皮够香脆，最紧要系鸡肉好嫩滑，每食一口都有丰富嘅肉汁，真系超级好味，同麦记同肯记的炸鸡真系冇得比，性价比高，同事果然冇介绍错，下次要再试其他野。