金船長餐廳 (已結業)

大角嘴其实都真系好多野食，成日听人讲大角嘴有间西餐厅好正，黑松露pizza好岀名，所以突登黎试下。入到去环境唔错好阔落，又够静，咁入到去二话不说叫个黑松露pizza,咁个pizza个口感唔系真系好似pizzahut果种，唔怕食到好济，食唔到其他野，黑松露味道好香，加啲沙律菜系面同醋，好fresh好正，黎金船长必食之选。之后叫左个牛肝菌云吞，钟意食菌类既人一定会超钟意，夹埋忌廉汁，好香好滑，极快就清左碟野。咁主菜叫左三文鱼排，比目鱼排配忌廉汁，咁啲鱼好新鲜，唔会有雪味，又煎到好香，外面少少脆，入面啲肉又唔会好老，非常好食。甜品就叫左心太软，热辣辣，吉开佢既时候啲朱古力流岀黎真系好幸福既感觉，味道唔会太甜岩岩好，又系必叫之选。饮品就叫左黑牛，呢个无需多讲，雪糕加汽水又点会唔正。其实menu重有好多款野食想试例如自选意粉，牛扒，下次一定会再黎食。