影片
更多
2023-12-12
756 浏览
时近年尾比较忙! 因为.... 又有客人揾我问来年运程，所以约系旺角D Café 倾，倾完之后佢提意一齐去食饭，但佢话去食斋，老老实实，我果时就真系无咩心去食斋，想食吓肉，所以婉拒好意，再揾揾有咩美食，问女友小熊想食咩，佢问我当时身处如地，我话系波鞋街，小熊就指我去街尾，话紧系去海贼船买汉堡包啦!仲叫我快D买翻嚟㖭呀! 即刻感觉自己惨过做熊猫袋鼠.....小熊要咗个黑武士 (似佢啦) 套餐，我就要份海贼蛋牛汉堡套餐.再点咗一客牛油粟米，脆辣鸡粒走辣，虽然忌廉磨菇汤比较贵，都叫咗一客试试.即使老麦贵价系列嘅安格斯汉堡，都唔够海贼船块牛肉咁松软，而且老麦D牛肉食落仲有渣添，所以无办法唔帮衬海贼船.黑松露味道从来都好强烈，所以好正常盖过牛肉味，未打开个外卖袋已经透出阵阵黑松露香㖭!洋葱圈外脆内软，不过今日油益味重咗D，原因稍后讲.薯条份量比老麦多，斋食薯条已经够饱! 哩点俾个赞!我话想食脆辣鸡粒但怕辣，店员即刻话可以走辣，咁咪识做生意啰! 而脆鸡粒外脆内轶又juicy, 炸得啱啱好唔会炸得过火，满意.磨菇汤其实系磨菇蓉，又浓郁又美味，贵得有道理.由于即庆，所以无预早用 apps 落外卖单，如
仲叫我快D买翻嚟㖭呀! 即刻感觉自己惨过做熊猫袋鼠.....
小熊要咗个黑武士 (似佢啦) 套餐，我就要份海贼蛋牛汉堡套餐.
再点咗一客牛油粟米，脆辣鸡粒走辣，虽然忌廉磨菇汤比较贵，都叫咗一客试试.
即使老麦贵价系列嘅安格斯汉堡，都唔够海贼船块牛肉咁松软，而且老麦D牛肉食落仲有渣添，所以无办法唔帮衬海贼船.
黑松露味道从来都好强烈，所以好正常盖过牛肉味，未打开个外卖袋已经透出阵阵黑松露香㖭!
洋葱圈外脆内软，不过今日油益味重咗D，原因稍后讲.
薯条份量比老麦多，斋食薯条已经够饱! 哩点俾个赞!
我话想食脆辣鸡粒但怕辣，店员即刻话可以走辣，咁咪识做生意啰! 而脆鸡粒外脆内轶又juicy, 炸得啱啱好唔会炸得过火，满意.
磨菇汤其实系磨菇蓉，又浓郁又美味，贵得有道理.
由于即庆，所以无预早用 apps 落外卖单，如果等成15分钟先有得攞，估计店员唔想人客等太耐，D炸洋葱圈未滰干哂D油就入袋，所以有油益味.
等单其间，有位袋鼠外卖女踩单车到，不停催单又话等得耐，喂! 我个餐都未出啦! 催咩啫! 佢做外卖我又做外卖，佢都话有钱落袋喇，我无钱落袋仲要呕钱买外卖俾小熊都未出声.....
咁.... 我系咪应该冒生命危险问黑武士攞翻钱?
张贴
