INTIME (已結業)

难得有时间拍吓拖，行完街想揾个地方静静食个late lunch，见到新开cafe就去试吓啦😊🍹椰椰芒芒避风港🥥🥭好香芒果同椰子味，甜得嚟唔系死甜，好啱夏天饮，好消暑好好饮！🍹巨峰蜜桃四季春🍑🍇茶味比较重，而且唔甜，一样好解渴而且无咁邪恶👍🏼🍝意式海鲜龙虾汁扁意粉🦞意粉好够味，用料好丰富，有烟三文鱼、青口、车厘茄、鱿鱼仔、蘑菇、青瓜丝、大虾，有少少咸但可以接受。意粉有咬口，龙虾汁味好够，整体都唔错👍🏼🐷香煎西班牙栗饲黑毛猪扒配焦糖苹果香草烧汁薯蓉及沙律🥗呢个好惊喜呀，猪扒一D都唔靭，好juicy好有肉味，就算唔点汁都好好食，加埋烧苹果同烧汁一齐食，一咸一甜会变得惹味好多，配埋沙律成件事变得无咁邪恶，食晒都无罪恶感🤩🍫香浓心太软配香草雪糕🍦雪糕系用movenpick，同时有葡萄干同granola 垫底，有咬口而且好香好好食，但心太软唔系流心，不过都好香浓朱古力味。整体我都好满意，以中环区嚟讲，呢个价钱再有咁好质数，好值得推荐👍🏼