屋喔 (已結業)

约左个friend饮野，见时间还早就系中环附近揾左呢间食住d野。呢间餐厅系巷仔内唔系好明显，但入左就发现其实个interior几得意又cozy。主食既部分我地叫左原只波士顿龙虾蟹子阔条蛋面同烤黑毛猪排。个龙虾虽然有少少overcooked，但海鲜味足，配埋个蟹子食落去好香好浓郁，以168蚊来讲个份量算系好抵食。至于个烤黑毛猪排就真系正，猪排肉软多汁、油脂量恰到好处，有d地方既猪排好多筋好容易就咬到好无瘾，呢度既黑毛猪排肉靓火正，食落爽口，配埋杯店家推介既冰蓝蝶花清柠特调，好过瘾。呢杯清柠特调真系好有酸酸地果只台湾味又唔会太甜，蝶花系台湾流行左一排，本身系无味既，不过只色令到杯野饮睇落好靓好梦幻。呢到都有唔少盐酥乜乜果类既台湾小食，我地惊热气而叫左个芒果芋圆三重奏。个三重奏既意思就系有埋芒果沙冰、芒果雪糕、芒果布甸，三种唔同口感既特浓芒果味入口即化，咬埋啖芋圆真系好香又唔腻。见到好多人其实叫左d台湾小食配埋酒成班friend倾计咁都几舒服，下次有机会多d人试下咁样都唔错。