影片
更多
2024-04-27
2165 浏览
餐厅：Black Bear (太古)地址：太古太古城道22号明宫阁地下G406号舖餐厅要脱颖而出🏆，就需要有吸引人注目嘅地方，而食物同环境相信喺最容易凸显餐厅特色嘅两个方面，就好似啱啱喺太古明宫阁地下开咗唔够一年嘅Black Bear，Cafe以黑熊为主题🐻，仲特登请左本地设计师兼画家以画作呈现Cafe嘅个性🧑🏻🎨，加上店内以大地色系同啡色为主调，搭配暗哑嘅灯光营造出温馨嘅日系复古风格🪟除咗喺装修上花足心思，亦好讲究摆盘嘅精致感😎，佢哋主打西日fusion菜，有意粉又有日式定食🍱，总有一样啱你口味✅，除咗前菜同主食之外，仲有卷蛋、芭菲、窝夫等多款甜品🧇，记得留肚食呀🍧 ✝️茄汁虎虾扁意粉 $108以茄汁为基底嘅意粉同日式拿破仑意粉差唔多🇯🇵，无义大利番茄酱嘅酸香，反而偏甜同埋更浓稠😋，弹牙大虾上碟前已经剥晒壳，精华完全融入酱汁令鲜甜味发挥得更淋漓尽致🦐，里面仲加咗蘑菇同番茄仔，而扁意粉软硬适中🍝✝️照烧牛肉高汤稻庭乌冬 $82 铺满晒喺面嘅照烧牛肉带有少少脂肪裙边，食落带有嫩滑嘅肉质同甘香嘅油脂🥩，炒至焦糖化嘅洋葱丝柔软甘甜，同咸香嘅照烧牛肉互相配合🧅，汤底浓得嚟唔会太咸，配埋爽滑烟韧嘅
地址：太古太古城道22号明宫阁地下G406号舖
餐厅要脱颖而出🏆，就需要有吸引人注目嘅地方，而食物同环境相信喺最容易凸显餐厅特色嘅两个方面，就好似啱啱喺太古明宫阁地下开咗唔够一年嘅Black Bear，Cafe以黑熊为主题🐻，仲特登请左本地设计师兼画家以画作呈现Cafe嘅个性🧑🏻🎨，加上店内以大地色系同啡色为主调，搭配暗哑嘅灯光营造出温馨嘅日系复古风格🪟
除咗喺装修上花足心思，亦好讲究摆盘嘅精致感😎，佢哋主打西日fusion菜，有意粉又有日式定食🍱，总有一样啱你口味✅，除咗前菜同主食之外，仲有卷蛋、芭菲、窝夫等多款甜品🧇，记得留肚食呀🍧
✝️茄汁虎虾扁意粉 $108
以茄汁为基底嘅意粉同日式拿破仑意粉差唔多🇯🇵，无义大利番茄酱嘅酸香，反而偏甜同埋更浓稠😋，
弹牙大虾上碟前已经剥晒壳，精华完全融入酱汁令鲜甜味发挥得更淋漓尽致🦐，里面仲加咗蘑菇同番茄仔，而扁意粉软硬适中🍝
✝️照烧牛肉高汤稻庭乌冬 $82
铺满晒喺面嘅照烧牛肉带有少少脂肪裙边，食落带有嫩滑嘅肉质同甘香嘅油脂🥩，炒至焦糖化嘅洋葱丝柔软甘甜，
同咸香嘅照烧牛肉互相配合🧅，汤底浓得嚟唔会太咸，配埋爽滑烟韧嘅乌冬一齐食又几滋味🥳 
✝️士多啤梨乳酪馅蜜 $88
「馅」系意指红豆泥🫘，而「蜜」就系黑糖🍯，加上寒天同白玉团子呈现出多层次嘅口感同味道💯，乳酪雪糕比牛奶雪糕更健康，食落软滑细腻透心凉❄️，
里面加咗士多啤梨啫喱同新鲜杂莓🍓，酸甜味同馥郁嘅奶香大大减低甜腻感😉
✝️特浓朱古力蛋糕 $42
黑朱古力嘅忌廉同海面蛋糕层层相间，醇厚嘅可可香令味道加倍浓郁🍫，
天然嘅朱古力蛋糕扎实又湿润，配上苦甜交杂嘅风味配埋咖啡就最适合不过👅
houseblend用咗嚟自巴西同哥伦比亚嘅咖啡豆🇧🇷，意式鲜奶咖啡($42)充分品尝到浓郁嘅坚果香，仲有可爱黑熊拉花；
Dirty($45)饮落先感受到温暖醇香嘅咖啡，之后就饮到冻牛奶，冷热交融嘅味觉冲击真喺好正😋
张贴
