影片
更多
2023-05-22
2808 浏览
不得不说，Uluru真系好适合打咭！以黑白为主嘅环境，每个角落都系打咭位！✨是日餐汤汤够热，质感creamy，味道唔错。多士脆口！✨阿根廷红虾刺身配蕃茄沙沙多士 $138摆盘非常精美！红虾刺身晶凝，入口肉质肥美嫩滑，多士脆卜卜，配上蕃茄沙沙，味道酸酸甜甜好开胃！✨ULURU特色烧肉拼盘 $338好够份量嘅杂扒餐，啱哂我地呢啲食肉兽！肉眼扒面层略带焦香，牛味香浓，肉质软腍，冇筋冇渣！猪扒同鸡扒同样大大块，煎得唔错，肉嫩juicy，鸡扒外皮香脆，好香口！香草肠都有成4条，再配上清新爽甜嘅芝麻酱沙律菜及金黄粗薯条真系大满足！✨煎带子龙虾汁蟹籽意大利饭 $158带子厚身大粒，大厨煎得啱啱好，肉质保持鲜嫩弹牙！意大利饭口感烟韧，龙虾汁鲜味浓郁，食落好creamy，而且仲有大量蟹籽，令鲜味更上一层楼！✨ULURU二次元立体梦幻蛋糕 $138必点嘅招牌二次元立体梦幻蛋糕！表层铺满纯白忌廉，再用上朱古力酱画上立体线条，同时为士多啤梨加上面孔及手脚，非常可爱！好适合打咭！不得不说嘅系，除咗打咭一流之外，蛋糕嘅味道亦相当唔错，绝对系好睇又好食！幼滑白雪雪嘅忌廉，包住草莓酱海绵蛋糕，蛋糕松软有蛋香，草莓酱甜
不得不说，Uluru真系好适合打咭！以黑白为主嘅环境，每个角落都系打咭位！
✨是日餐汤汤够热，质感creamy，味道唔错。
多士脆口！
✨阿根廷红虾刺身配蕃茄沙沙多士 $138摆盘非常精美！红虾刺身晶凝，入口肉质肥美嫩滑，多士脆卜卜，配上蕃茄沙沙，味道酸酸甜甜好开胃！
✨ULURU特色烧肉拼盘 $338好够份量嘅杂扒餐，啱哂我地呢啲食肉兽！
肉眼扒面层略带焦香，牛味香浓，肉质软腍，冇筋冇渣！
猪扒同鸡扒同样大大块，煎得唔错，肉嫩juicy，鸡扒外皮香脆，好香口！
香草肠都有成4条，再配上清新爽甜嘅芝麻酱沙律菜及金黄粗薯条真系大满足！
✨煎带子龙虾汁蟹籽意大利饭 $158带子厚身大粒，大厨煎得啱啱好，肉质保持鲜嫩弹牙！
意大利饭口感烟韧，龙虾汁鲜味浓郁，食落好creamy，而且仲有大量蟹籽，令鲜味更上一层楼！
✨ULURU二次元立体梦幻蛋糕 $138必点嘅招牌二次元立体梦幻蛋糕！
表层铺满纯白忌廉，再用上朱古力酱画上立体线条，同时为士多啤梨加上面孔及手脚，非常可爱！好适合打咭！
不得不说嘅系，除咗打咭一流之外，蛋糕嘅味道亦相当唔错，绝对系好睇又好食！
幼滑白雪雪嘅忌廉，包住草莓酱海绵蛋糕，蛋糕松软有蛋香，草莓酱甜度适中，味道天然。
✨噜噜米 – 森の家 $128呢到嘅甜品非常出色！
呢款蛋糕造型系一粒红色大蘑菇，色彩鲜明，非常吸睛。
大蘑菇外壳薄薄一层，系用上白朱古力制成，内里馅料有草莓乳酪慕丝，草莓蓉蛋糕，味道酸甜清新，一啲都唔觉腻！
张贴
