麥當勞

营业中

休息中

上完堂有D肚饿,最岩就去LG5食返杯雪糕架啦~!见麦记出左新野不妨试下呢个就系麦记新出既黑白椰子脆新地,盛惠阁下12蚊。卖相普通，旧雪糕系乱咁"jik"既，未攞上手就冧鬼左,再加埋个劈黑芝麻酱(汁?)同埋两旧完全唔对称既椰子脆，令到成兜野睇上去有啲污糟，感觉有少少反胃，虽然食物晤应该只看表面，但系比多几秒砌靓仔佢，人地食野个心情会好好多啰外表晤多讲，食返啖先~黑芝麻酱同雪糕既配搭晤错!之前都觉得麦记既新地酱不论朱古力定士多啤梨酱太浓太甜，盖过晒雪糕既味，无可否认黑芝麻酱都系几甜,不过黑芝麻几出，食得到少少芝麻应该有既香味同回甘，带返雪糕奶味返黎，配搭一流雪糕食晒，试埋个椰子脆，批皮因为晤知咩原因糯晒(比雪糕浸太耐定放系到太长?)，又冇咩味道，麻麻，晤好食。反而我几钟意个馅淡淡甜味，富椰子香，简简单单就是美。食过苹果批红豆批香芋批，晤系死甜到颈渴就系肉桂味太重(苹果批无苹果味，失败!)，喧宾夺主。总括而言，食就值得再食既，不过我会比多三蚊分开买(椰子脆+新地)，起码批皮晤糯。