Outback Steakhouse (德福廣場2期) (已結業)

心挂挂黑糖面包，就黎呢间新店食，地方好大，装修得好靓，而再入啲嘅位置整到火车入面咁，几特别，座位阔落坐得舒服。落单上菜都好快手，侍应会自动自觉斟水收碟，服务好。今次三人叫两样菜已经好饱，分量多又大，平均每人$150。黑糖包 Free食咁多次都仲系觉得咁好食，包微甜外微硬内够松软，加上牛油咸咸地咁，更香更好味。烤肋骨鸡搥芝士薯条拼盘 $168肋骨同鸡搥各有6旧，薯条分量都算多，好抵食。肋骨个酱味道好浓，酸酸甜甜，酸味较出。鸡搥，炸到脆卜卜，咸味重左啲啲。薯条，够实在，外脆水内软，芝士再多啲咁就Perfect。美式慢烧安格斯肉眼牛扒(8OZ) $228好香口，牛香味愈咬愈出，呢个熟度岩岩好。而配菜拣左薯条同焗甜薯，薯条同头先一样好食，而焗薯真系必食，黎到热辣辣，睇住个Cream溶化，口水都流，个甜薯真系好够甜，唔系假甜味，配埋Cream变到好滑口好creamy好好味。