一芳台灣水果茶 (大埔超級城)

营业中

休息中

刚刚行行下街突然想饮台式饮料，于是去一芳试一试大热既黑糖珍珠鲜奶。排队既人唔多，所以好快就可以落到单，不过店员提醒呢款饮品唔可以改冰度同甜度，因为会影响到饮品既味道。过左一阵就拎到饮品，鲜奶同黑糖珍珠既层次好分明，店员亦再次提醒需要摇匀先饮，之后饮料就变成奶茶颜色。可能仲有大量冰系面层未溶，味道感觉比较甜，但鲜奶味仍然重，黑糖珍珠烟烟韧韧而且咬好耐都仲有黑糖味，两者味道合衬之余又唔会盖左大家本身既味。冰溶晒之后，味道反而刚刚好，冇先前咁甜。如果怕甜既朋友，可以等冰溶化后饮比较好。但整体味道都唔错。