下站帖 (已結業)

同朋友来饮呢度嘅黑糖系列，分别叫左杯波霸厚醇奶同黑糖芝士厚醇奶。波霸厚醇奶呢个系店入面既top1，当然要叫返杯试下。一饮就觉得奶味好突出，奶味之中夹杂丝丝嘅黑糖甜味，但却不甜腻，珍珠亦都好好咬好弹牙。黑糖芝士厚醇奶奶味亦都非常重，整体味道都唔算太甜。特别之处系厚厚嘅奶盖上有层特意烧过嘅焦糖，奶盖味道酸甜软滑，好Creamy。本来以为呢间野同其他台式饮品店一样无得拣甜度，所以无特别order，但估唔到正常嘅甜度都唔系太甜。我觉得相对起老x堂，呢间嘅黑糖系列并不太甜，比较适合我口味，饮晒成杯唔会好腻。佢仲有个最佳饮用绝招比埋大家，大家饮之前记得跟住做啦！