珍煮丹 (已結業)

2018年系黑糖珍奶横行无忌嘅一年,愈开愈多,愈饮愈肥,愈肥愈开心咁,试下又一间~试下又一间~今日轮到我嚟试下呢间听觉差少少都以为佢叫"甄子丹"嘅"珍煮丹喇 虽然话唔系抢先第一时间嚟试,呢度都开咗几个星期,但人潮已经算系退咗喇,系唔好饮丫?定系因为个个走去排隔离街? 真系不得而知喇哈哈~ 其实而家间间价钱都差唔多,呢度都唔例外,都系$30蚊一杯黑糖珍珠鲜奶~买咗飞之后,我同阿肥企埋一边等~大约都系等十个八个号码。跟住我就挂住噤手机,阿肥突然好好耳力咁问我:「店入面𠮶个男人系咪唱歌𠮶个?我唔记得佢叫咩名~」咁我望一望,咦!系㖞...呢个咪刘威煌啰阿肥话:「系啦!我本来都冇为意,但佢中气十足,把声好易认,我听到先再回头望佢嘅,果然系唱歌𠮶个啦」然后我就见到刘威煌著住件黑色Tee shirt上面印有NO PHOTOS嘅字眼,果然真系冇人埋去骚扰佢,只系我八卦再望下~佢样样事都亲力亲为,由冲调饮品,到大叫轮候号码服务客人都好落力而呢间店用嘅鲜奶,亦都系日本𠮶只红色牌子嘅纯鲜奶,唔怪得之佢同而家人龙最长最旺盛嘅几家台饮店齐齐争崩头喇 等咗都冇十分钟就叫我哋喇~当然系相机饮先之后先轮到我😂呢度同隔