Black Coffee

营业中

休息中

位于旺角呢间黑色型格Cafe气氛几好，平日晚市都八九成满，食物选择算多，仲有啲fusion菜嘅感觉，小食、主菜、甜品嘅质素都几好，价钱唔贵，推荐去试吓🙌🏻🔸芝士番茄焗肉丸 $92推荐🌟 比想像中好食！肉丸几juicy，个芝士番茄汁好浓郁，调味啱啱好，除咗肉丸，仲有番茄肉，一齐食非常好味！🔸自家制蘑菇忌廉汁猫耳朵意粉配慢煮口水鸡扒 $128呢个系招牌菜，又系必叫！猫耳朵意粉口感好烟韧，个蘑菇忌廉汁香浓又唔腻，有大量蘑菇，就咁食已经好正！口水汁煮鸡扒呢个组合几新鲜，慢煮完肉质软滑，麻麻辣辣咁，更加开胃🤤🔸手打牛肉及原只大蘑菇汉堡配薯条 $138汉堡都大个，望落几吸引！牛肉够厚身肉味浓，如果再juicy啲就更好！大蘑菇多汁，生菜番茄新鲜，面包外脆内软，仲有热溶芝士同烤洋葱，整体几好食！薯条都同样出色，厚切香脆，份量又多～ 🔸苹果金宝法式千层酥配香草雪糕 $70几打卡嘅甜品，千层酥松化，苹果粒份量多，但对我嚟讲都几甜😂 拣其他味应该无咁甜～ 见到隔离枱个窝夫都几吸引，超级大份！