Black As Chocolate (已結業)

知道太古城开左城品都冇去过潮圣，今日得闲就去睇下。 呢间城品同其他既一样都系卖书之余仲有其他品牌，见到一间铺装修高贵，于是行近去睇，咁靓既装修原来系卖蛋糕！ 见到佢摆左蛋糕既sample已经好吸引好想试，有6吋同埋2吋拣。第一眼望已经比榛果朱古力蛋糕吸引，除左本身钟意呢个味道，佢个卖相都好吸引。 拣左味道之后，店员即刻用一个好型格既黑色盒装起蛋糕，再比左五种颜色既丝带我拣。净系讲呢个包装，已经系非常讲究。至于餐具，有得拣天使同魔鬼 ; 天使系好似匙羹既餐具，魔鬼系好似叉既餐具，真系别出心裁！拎住个蛋糕番屋企既时候已经吸引到好多目光望住！ 食之前店员建议先由雪柜取出十分钟，6吋蛋糕当然系一家人分享。拎出黑色盒既时候，大家已经好期待。到打开既时候，大家都比出惊讶既反应，因为呢款蛋糕大家都未见过。 呢个榛果朱古力蛋糕够松软，切蛋糕既时候一切到位。朱古力味香但入口唔会太浓味，只味几讨好，而且唔系"溜"果种，唔会食几啖就食唔落。另外，系食到松软既蛋糕同时，又食到脆脆，口感顿时提升。食完大家都一致赞好呢个蛋糕！