影片
更多
2022-06-12
131 浏览
Bookmark左呢间米芝莲必比登推介小店好耐！俩口小吃主打台湾刈包，亦有供应压饼、雪糕润饼、炸白玉、炸蕃薯条等台式小食。小店长期超长人龙！今次终于的起心肝排队！就算落大雨都阻唔到我！小店1230开门，下雨天1150到达，成功排第三。大概1250就拎到，岩岩好一个钟就拎到手~⚠️小店逢星期一二休息，建议大家去之前先睇睇佢地嘅IG，避免摸门钉▪️传统刈包加柚子酱 $42刈包超软熟！带点柔韧弹性，完全唔黏牙。入面嘅五花腩超入味！肉质软腍，肥膏位近乎入口即溶。配上酸菜同柚子酱，酸甜开胃，可以一减油腻感。加埋花生碎同芫荽，味道层次比想像中丰富，都几清新，唔会好腻。▪️黑蒜菇菇炸包 $45新品！比起传统刈包厚劲多！经油炸嘅刈包外脆内软，好有炸馒头嘅感觉。香口得黎又唔会好油腻，质地就相对不经油炸嘅刈包有咬口。中间嘅酥炸金菇炸得超脆超香口！亦有啲煎嘅秀珍菇 增添湿润感。黑蒜味道突出，但又唔算话好浓。炸包面头仲舖左唔少巴马臣芝士同油封茄干，增添一丝酸甜咸香。味道同样丰富，亦比传统嘅刈包香口浓味，家姐呀妹一致钟意呢个多啲。▪️小山园抹茶Cream cheese压饼 $35压饼煎得好香，毫无油腻感~ 大啖大啖咬爆
小店长期超长人龙！今次终于的起心肝排队！就算落大雨都阻唔到我！小店1230开门，下雨天1150到达，成功排第三。大概1250就拎到，岩岩好一个钟就拎到手~
⚠️小店逢星期一二休息，建议大家去之前先睇睇佢地嘅IG，避免摸门钉
▪️传统刈包加柚子酱 $42
刈包超软熟！带点柔韧弹性，完全唔黏牙。入面嘅五花腩超入味！肉质软腍，肥膏位近乎入口即溶。配上酸菜同柚子酱，酸甜开胃，可以一减油腻感。加埋花生碎同芫荽，味道层次比想像中丰富，都几清新，唔会好腻。
▪️黑蒜菇菇炸包 $45
新品！比起传统刈包厚劲多！经油炸嘅刈包外脆内软，好有炸馒头嘅感觉。香口得黎又唔会好油腻，质地就相对不经油炸嘅刈包有咬口。中间嘅酥炸金菇炸得超脆超香口！亦有啲煎嘅秀珍菇 增添湿润感。黑蒜味道突出，但又唔算话好浓。炸包面头仲舖左唔少巴马臣芝士同油封茄干，增添一丝酸甜咸香。味道同样丰富，亦比传统嘅刈包香口浓味，家姐呀妹一致钟意呢个多啲。
▪️小山园抹茶Cream cheese压饼 $35
压饼煎得好香，毫无油腻感~ 大啖大啖咬爆晒馅。抹茶cream cheese软滑，不过cream cheese嘅味道就比茶香突出得多，茶控少失望。饼皮一面较厚，软糯无乜味，但overall相对馅料黎讲都算薄~ 虽然甜度唔高，但食食下都几漏，建议同朋友开心share~
▪️芋泥肉松压饼 $28
压饼面头舖满肉松同紫菜，食落更香口。入面嘅芋泥软绵，保留左啲芋头粒增添口感。虽然芋头香气唔算好浓，但感觉上无加太多调味，都食到啲芋头嘅天然香甜。整体嚟讲，刈包层次比想像中丰富得多，值得一试！压饼反而无咁有惊喜~ 如果顺路经过元朗，又可以半个钟内食到，都会encore (不过应该冇乜机会发生)
张贴
