影片
更多
2013-11-03
116 浏览
我依类「杂务经理」，晌公司乜都要做，认真克苦耐劳，所以一到周六唔使返工，心情特别爽，加埋有幸出席晴报读者嘅试食活动，优先品尝新出有坑纹嘅沾汁面，感觉更爽 。事发地点，就晌海运LCX嘅面屋武藏 虎洞。据介绍，原来佢早晌1996年东京开业，凭独特制作技巧造就经常大排长龙嘅超人气拉面店，客人络绎不绝。今回与其他读者或博客聚首一堂，彼此交流，轻松悠闲咁品尝一顿周末午膳，实在愉快体验！面屋武藏喺首次光临，入门口左边喺半开放式厨房加吧位，可欣赏到日藉师傅渌面嘅功架，而再入啲除墙上挂咗唔少武士画作，加上一室黑与白，好有武士嘅刚烈味道，给人感觉份外型格 。近门口有多张2 / 4人梳化卡位，梳化椅背特高，增加多少少私隐度，亦可减少食客间嘅骚扰；全场最正，要数到餐厅最入，靠著一列落地大玻璃嘅维港海景位，既开扬，又有景，让人舒服不过 。题外话，究竟「武蔵」何解？宫本武蔵，江户时代初期嘅剑术家、兵法家、艺术家，店方就以宫本武藏嘅理念「勇于尝试，推陈出新」嚟不断突破，真喺唔使下下过日本都叹到麺屋武蔵嘅招牌靓面！拉面、沾汁面故然喺店方嘅主打，仲有饭、沙律、炸物、小食。虽然今次试食活动喺一试全港独有嘅有坑纹沾
面屋武藏喺首次光临，入门口左边喺半开放式厨房加吧位，可欣赏到日藉师傅渌面嘅功架，而再入啲除墙上挂咗唔少武士画作，加上一室黑与白，好有武士嘅刚烈味道，给人感觉份外型格 。近门口有多张2 / 4人梳化卡位，梳化椅背特高，增加多少少私隐度，亦可减少食客间嘅骚扰；全场最正，要数到餐厅最入，靠著一列落地大玻璃嘅维港海景位，既开扬，又有景，让人舒服不过 。题外话，究竟「武蔵」何解？宫本武蔵，江户时代初期嘅剑术家、兵法家、艺术家，店方就以宫本武藏嘅理念「勇于尝试，推陈出新」嚟不断突破，真喺唔使下下过日本都叹到麺屋武蔵嘅招牌靓面！
拉面、沾汁面故然喺店方嘅主打，仲有饭、沙律、炸物、小食。虽然今次试食活动喺一试全港独有嘅有坑纹沾汁面 ，但麺屋武蔵亦有几款小食名物，都一样有机会试到。武藏煎饺子 $35
一客5只煎饺，全由人手每日新鲜包制，饺皮搓得挺薄，煎得香脆，菜肉比例平衡，又富肉汁，配上饺子专用蘸汁，确喺好食！
爆炸男爵沙律 $38 沙律一共有3款选择：大根水菜沙律（$48）、爆炸男爵沙律（$38）、豆腐三色豆沙律（$42），以中间嘅爆炸男爵沙律最具话题性。以沙律菜、青瓜丝、车厘茄为沙律底，配以油醋汁，而最大惊喜喺加入大量脆炸咗嘅北海道男爵薯仔丝，以及一只温泉玉子，捞匀之后，食落沙律中嘅清爽，又夹杂薯丝嘅卜卜脆，口感有层次、有趣味 ，味道带微酸，却又有一阵阵蛋黄凝香 ，实在好食，果然喺店中人气沙律，好值得推介！
唐辛子乌贼 $48 烧制好嘅墨鱼，淋上加入唐辛子（我哋就称为辣椒）、柠檬汁做嘅酱汁，辣辣哋，又有点柠檬味，几惹味，此外鱿鱼肉质软腍，送啤酒应该最夹。少少题外话，墨鱼（或乌贼，或花枝）跟鱿鱼一唔一样？原来喺有分别，外型大致相同，只喺墨鱼有扁块芒果形石灰质嘅硬骨（摘自维基百科）。
跟住落嚟，轮到沾汁面出场，款款都喺卖$75，其实今时今日晌香港，沾汁面都唔喺咩新鲜嘢，麺屋武蔵一向都有卖，不过依次新推嘅喺「有坑纹」嘅面条，透过坑纹提高挂汁效果。麺屋武蔵最著名嘅喺佢啲汤底，分别白虎（极浓厚豚骨汤底）、赤虎（香浓豚骨汤底加入超过10种辣酱制成嘅辣油）及黑虎（浓厚豚骨汤底加入烧香后嘅长葱及玉葱制成嘅黑蒜油），意外发现，原来仲有一款「蕃茄」底架 ，只限汤拉面：蕃茄豚骨汤拉面（$80），唔使讲都知香浓豚骨汤底外加入咗咩啦。如果未食过沾汁面都唔怕，枱上嘅温馨提示「建议沾汁面的进食方法」，大可参考吓 ！
黒虎沾汁面 $75 小弟份外钟意蒜香之类味道，所以心水就喺「黒虎」，黑漆漆嘅「汤底」（抑或叫「汁底」好呢？）一上枱喺好香，负责人介绍时话个汤会较咸，最传统喺食完面时，加啲木鱼汤撞番淡先至好饮晒佢，唔建议就咁饮，但我又胆粗粗试咗两啖，竟然又OK㖞 ，可能小弟食嘢抵得咸。每碗面都会包一大块叉烧、竹笋、葱花、半熟玉子，叉烧少肥，软腍松化，好啱食；竹笋入口爽脆，而葱花够多，好啱我；半熟玉子掂㖞，好溏心，蛋黄绵柔、香滑 ，不过有食友反映佢哋只蛋流心度不足，或许喺个别例子，但都喺有需要加强少少个稳定性。试试沾面又如何，面条粗身中间带有一条坑纹，入口较烟韧，有咬口，个人反而觉得个「汤底」质地够稀，而且比较油，影响咗面条挂汤嘅表现 。
赤虎沾汁面 $75无试，小弟顶唔得太辣嘛，哗！仲要超过10种辣酱制成嘅辣油㖞。不过听食友讲，嘿！又唔喺太辣咋㖞，仲话鱼香及豚骨味大过辣味添。等我下次又试试食，睇吓佢喺咪有心整蛊我！
虎洞特式果汁 ($28) 饮品方面，有日本啤酒、清酒，都有啲非酒精类，如汽水（惠顾任何拉面，可半价配任何汽水1 罐 ）、日本有汽果汁、纯果汁，此外，近期嘅新推介喺虎洞特式果汁，由柠檬、菠萝、雪梨鲜榨而成，原材料，无添加，入口以柠檬及菠萝味较为突出，最紧要喺解渴之余，够健康啫 。
既有舒适口嘅环境，宽阔嘅海景，又定价亲民，就可以试到晌最近日本朝日电视台举办嘅「Ranking GOLD」拉面总选举「沾汁面」系列第一，「拉面」系列第三，麺屋武蔵无疑需要见识一试。
张贴
