影片
更多
2011-11-05
222 浏览
由于上次肥邓遇袭中伏 , 所以上次黑食会就变左三缺一, 探过老三后嘅两个星期, 黑食会重新启动, 而是次黑食会就依旧由串爆揸庄! 串爆今次都系拣番之前𠮶间, 就系揾新彊佬倾下计! 听闻新彊佬有一样出位野, 就系烧羊腿, 于是串爆亦了预先响朵, 留枱时亦同新彊佬预留一份烧羊腿, 相信事前串爆亦已千叮万嘱, 叫新彊佬咪失手势!当日串爆率先带同肥邓, 大声去到新彊佬嘅地方, 至于吹鸡当然系做完正经野才出现, 亦趁机耍下大牌! 去到新彊佬地盘, 发觉都几多人撑佢, 虽然地点唔方便, 但亦冇影响佢嘅叫座力, 睇黎新彊佬确系有一手! 坐底后已经知道落左单, 听番肥邓话, 新彊佬嘅门生叮嘱唔需要柯打太多, 因只羊腿份量好大, 所以净系拣左两款餐前小吃, 分别系生椒牛肉和凉伴豆腐! 先讲下生椒牛肉, 牛肉入口比较干身, 味道都算几惹味, 不过唔太辣, 坦白讲算不上高水准, 绝非不吃不可, 但倘若喜欢牛肉, 亦不防一试; 凉伴豆腐配上皮蛋和豉油, 带出的感觉真的不错, 豆腐香滑加上入口清新, 而皮蛋亦好味, 清清凉凉, 非常醒胃, 绝对值得一试! 接近吃完两道前菜后, 主角烧羊腿亦同时登场, 当新彊佬
当日串爆率先带同肥邓, 大声去到新彊佬嘅地方, 至于吹鸡当然系做完正经野才出现, 亦趁机耍下大牌! 去到新彊佬地盘, 发觉都几多人撑佢, 虽然地点唔方便, 但亦冇影响佢嘅叫座力, 睇黎新彊佬确系有一手! 坐底后已经知道落左单, 听番肥邓话, 新彊佬嘅门生叮嘱唔需要柯打太多, 因只羊腿份量好大, 所以净系拣左两款餐前小吃, 分别系生椒牛肉和凉伴豆腐!
先讲下生椒牛肉, 牛肉入口比较干身, 味道都算几惹味, 不过唔太辣, 坦白讲算不上高水准, 绝非不吃不可, 但倘若喜欢牛肉, 亦不防一试; 凉伴豆腐配上皮蛋和豉油, 带出的感觉真的不错, 豆腐香滑加上入口清新, 而皮蛋亦好味, 清清凉凉, 非常醒胃, 绝对值得一试! 接近吃完两道前菜后, 主角烧羊腿亦同时登场, 当新彊佬嘅门生攞出黎话准备帮手斩开时, 当然第一时间要阻止, 皆因点都要帮只羊腿影番张遗照!
拍完照后先攞去斩, 讲真羊腿个SIZE真系几大只, 睇下相就知啦! 当新彊佬嘅门生斩完羊腿后, 亦立即开餐, 羊腿伴上饼皮, 再涂上少少酸甜酱, 食法就有如片皮鸭咁, 入口发觉羊腿外边𠮶层烧得几脆, 而肉身亦劲松软, 半点老和干身都食唔到, 唯一可惜系唔够酥香, 若然再酥少少, 相信会更加吸引, 不过咁样食羊腿都系第一次, 绝对必食次选, 值得一试, 串爆果然冇介绍错, 掂!
羊腿份量虽然够大够多, 但对于肥邓,串爆, 大声同吹鸡黎讲直头系湿湿碎, 所以亦另加左三款小菜, 分析系干扁四季豆同老虎菜, 再加多一客串烧羊肉! 干扁四季豆炒得干身, 四季豆爽口, 而伴碟炒的辣椒干微辣, 极度惹味, 超正; 而老虎菜系一道几特别嘅菜式, 食完都唔知食咩, 有少少似沙律咁, 清清凉凉爽爽, 几得意! 最后系串烧羊肉, 呢个串烧同刚刚的羊腿分别唔算好大, 串烧羊肉味道普普通通, 不过肉质又唔够羊腿靓, 更加唔酥, 如果冇机会食烧羊腿, 呢个串烧都系可以一试, 如果会吃烧羊腿, 就应该可以不理!
总括黎讲食物质素甚高, 环境舒服, 服务态度友善, 未知是否串爆已一早响朵所致呢? 至于价钱亦接受到, 埋单八一四元, 净系烧羊腿都要三六八啦, 每人都系两旧水多少少, 就可以试到咁高质嘅烧羊腿, 绝对抵食! 是次对串爆嘅安排和拣选真的十分满意, 值得高度表扬, 以示加许! 黑食会之怒斩羊腿真的非常美满, 更期待两星期的黑食会, 皆因由吹鸡揸庄! 是次绝对配得上一个笑脸, 仲会唔会黎呢? 相信机会不大, 始终地区唔太方便!
张贴
