多寶美食 (已結業)

肥邓较脚后, 大声同串爆感觉依然系意犹未尽, 于是就提议下边小食, 特别系呢区好多人赞嘅炸大肠, 当一讲到炸大肠时, 串爆两眼直头发晒光, 咁即系非去不可, 于是就继续带队!呢间食店前后已经黎过好多次, 不过就系未食过炸大肠, 既然是次有大声和串爆同行, 壮大左个胆, 所以当然要试一串炸大肠, 至于其他小食大声亦绝不手软, 一口气柯打左烧卖, 牛柏业同墨鱼, 前后四款小食, 实行黎个黑食会之扫街!讲真烧卖, 牛柏业同墨鱼前后已经食左好多次, 所以是次冇食到亦冇打算讲评, 唯一想讲就系炸大肠, 原来呢度系将成条未切嘅大肠攞去炸, 绝对唔系切左先炸, 基本上亦系边炸边卖, 所以大肠唔会炸到㶶, 亦因为呢度嘅炸大肠好受欢迎, 所以货亦去得好快! 当柯打时先将大肠切成五件, 吉埋一串! 由于系人生第一次食街头炸大肠, 所以亦怀著战战兢兢的心情, 当放入口时, 发觉大肠外层炸得好脆口, 真系卜卜声, 劲讨好, 不过内里就略韧, 要用更多时间去咬, 呢种感觉就唔太钟意, 不过亦唔反感, 就连大声同串爆亦觉得掂, 所以真系值得一试!总括黎讲炸大肠嘅水准真的不俗, 冇咩环境可言, 皆因坐街边, 不过有