香港西廚學院

营业中

休息中

不嬲都好想试一次素菜buffet, 奈何见过唔少人都话质素好参差，尤其有啲要排劲耐队，仲要限时咁食，今次受到 @nommyhk 嘅邀请，去试吓一间西式嘅素菜（其实佢无话系真系西式但既然系西厨学院，我谂都算系西式嘅😂😂）-入到去一坐低已经好warm, 因为隔离有个大大个嘅火炉mon 🙈同埋一路播住唔同嘅圣诞歌，好有节日嘅感觉🎅🏽🎄先行一圈再拿嘢食，见到有唔同类型嘅食物，有咖哩羊肉🥘/肉骨茶🍲/串烧🍢/汉堡包🍔/Pizza🍕/墨西哥卷🥙/蛋糕🍰/沙律🥗，当然唔少得菜菜菜啦🥦🥔-总括嚟讲，食物质素都ok 嘅，有啲食落都感觉唔到原来系素嚟，最钟意佢个肉骨茶，竟然有药材味道！正！另外个🍔都好食，食落真系好似真肉，后来先知系用大豆造嘅，模仿猪肉嘅质感！好惊喜！其他嘅菜式不过不失啦～诚意搭够！最warm 嘅系一边食，一边会有啲学员行过嚟问吓意见，又好耐心咁解答我哋嘅问题😽😽美中不足系食物嘅选择比较少，建议可以加多啲嘢，可以拣多啲，另外甜品得两样真系太少喇！！我呢啲甜品控唔够喉添😂😂同埋食物质素都有进步嘅空间，好似啲菜有少少太腍嘅感觉，不过又可能因为我钟意食爽身，就会觉得太腍🙈🙈