影片
更多
2017-09-21
239 浏览
昨日放工后约咗朋友到新港城行街兼食晚饭，点知个商场大装修，周围封哂板，朋友怕大尘，提议搭一个站马铁入乌溪沙揾食。原来乌溪沙站都有几多嘢食，西餐、泰国菜都有，忽然俾我哋发现呢间火㶽店做紧$268无限时任食，仲有鲍鱼、刺身、海鲜盘、前菜、生果……好似几抵，即管试吓！食肆地方都颇大，可能新开张缘故， 装修都好新净。我哋点咗个冬瓜瑶柱汤底之后，即刻去攞啲前菜食，前菜有拍青瓜、云耳、泰式凤爪、卤水鸭翼、冰镇猪手……等。前菜做得唔错，泰式凤爪同黑醋云耳都好好味，好开胃随后侍应送上热食---冬菇炆鲍鱼，鲍鱼唔算细只，炆得好入味，冬菇好滑，唔错！跟住奉上限量供应既刺身、海鲜盘、手工大水饺同牛脊肉。刺身大大件，非常新鲜。海鲜盘用雪镇住，比较卫生。有蛏子、青口、鲜虾、脆肉鮠、鲜鱿，都算重本。手工饺虽然得两只，但超大只。牛脊肉好大碟，少少油花，只要轻轻一灼，已经好甘香，最重要系无牛膻味。我哋食咗食肆限量供应嘅食物，已经饱咗一半， 再食埋自己叫𠮶啲火㶽料，真系饱到不得了， 之后发现仲有火龙果食，但实在食唔落喇。呢间任食火㶽店虽然贵少少，但不限时间，而且免费供应前菜、刺身、海鲜盘、冬菇鲍鱼，仲有罐装饮品任饮，其
原来乌溪沙站都有几多嘢食，西餐、泰国菜都有，忽然俾我哋发现呢间火㶽店做紧$268无限时任食，仲有鲍鱼、刺身、海鲜盘、前菜、生果……好似几抵，即管试吓！
食肆地方都颇大，可能新开张缘故， 装修都好新净。我哋点咗个冬瓜瑶柱汤底之后，即刻去攞啲前菜食，前菜有拍青瓜、云耳、泰式凤爪、卤水鸭翼、冰镇猪手……等。
前菜做得唔错，泰式凤爪同黑醋云耳都好好味，好开胃
随后侍应送上热食---冬菇炆鲍鱼，鲍鱼唔算细只，炆得好入味，冬菇好滑，唔错！
跟住奉上限量供应既刺身、海鲜盘、手工大水饺同牛脊肉。
刺身大大件，非常新鲜。
海鲜盘用雪镇住，比较卫生。有蛏子、青口、鲜虾、脆肉鮠、鲜鱿，都算重本。
手工饺虽然得两只，但超大只。
牛脊肉好大碟，少少油花，只要轻轻一灼，已经好甘香，最重要系无牛膻味。
我哋食咗食肆限量供应嘅食物，已经饱咗一半， 再食埋自己叫𠮶啲火㶽料，真系饱到不得了， 之后发现仲有火龙果食，但实在食唔落喇。
呢间任食火㶽店虽然贵少少，但不限时间，而且免费供应前菜、刺身、海鲜盘、冬菇鲍鱼，仲有罐装饮品任饮，其实计落好抵，最重要系材料非常新鲜，稍后一定会带家人再来帮衬。
张贴
