粥麵館 (已易手) 新餐厅

今日Lunch Time去了鲗鱼涌揾食，朋友介绍我食呢一间，开头以为净系有粥面食，好彩入到去原来有煲仔蒸饭嘅。本来谂住食金针云耳生鱼片蒸饭，点知已经卖晒，真夸张，未够1点已经卖晒，咁我唯有改叫蒸腊肠香菇鸡饭啦，而我朋友就叫咗香菰滑鸡饭。整体味道唔错嘅，不过我真系无谂过我个腊肠蒸鸡饭原来只系得几粒腊肠而唔系有一条，佢嘅腊肠偏瘦而且有酒香，但系如果可以有一条我谂我应该会开心好多。两煲饭嘅鸡都几滑，配饭嘅豉油唔会太甜。另外两煲饭嘅香菇同香菰都新鲜好味。