新斗記 (已結業)

环境4分：中式酒楼格局，张枱感觉比平时酒楼D大少少，感觉冇咁局促，座位与座位之间都ok，天花板啲灯笼仔都几得意，所以畀四分。卫生4分：见到啲碗碗碟碟都几干净，可以畀四分。服务3分：侍应都算快手快脚，都几有礼貌，可以畀三分。 味道2分：1)      碟香煎萝卜糕最快嚟到，咁早嚟都只有一个原因，就系一早整定。食第一啖已经知道唔热，应该系直头凉凉地又硬硬地，绝对唔及格！2)      然后碟贵妃鸡饭，见到有只鸡髀仔，啲肉又ok淋。3)      葱花炸两肠竟然系入面条油炸鬼ok，反而啲肠粉皮太黏太靭。4)      姜葱牛肉饺一嚟到原来发觉系山竹牛肉放入面，然后煎饺皮包住，冇乜期望之下食落反而有惊喜，竟然最好食系佢。5)      最后呢系海南鸡卷，一上枱先发现原来系鸡包仔，早知叫叉烧包好过。抵食2分：饮茶嚟讲应该大把选择，要环境好就要畀多少少溢价，但食物质素唔代表会好好， 所以畀两分。