東小館 (天樂廣場) (已結業)

环境3分：正常楼上中餐厅格局，唔会好嘈，系等车立最耐，行楼梯又辛苦，畀佢三分。卫生4分：碗碟餐枱都好干净，D点心大部份都系逐位叫，一人一笼，卫生可以畀四分。服务3分：服务员唔多，但落单快，上菜快，清枱快，畀三分。味道2分：1)     香煎萝卜糕个味几浓几香口。2)     招牌虾饺皇正常爽甜热辣好食。3)     大只蟹皇烧卖色水靓但就好淋唔爽口。4)     露笋带子饺层皮好厚仲好黐牙，贵夹唔好食。5)     流汁小笼包又系衰在层皮太厚，兼且唔流汁。6)      鲜竹牛肉球正常大大嚿，够热够松，十九蚊一笼最抵食。7)      蚝皇鲜竹卷大条野味夹抵食。8)      蛋黄千层糕同D点心一齐到，食果阵都冻哂，个包就好松，但D蛋黄就好嚡唔够油水。9)      柚蜜鸡蛋散脆就脆，不过就好酸。抵食1分：点心价好极端，逐粒计为起仲贵过五星级大酒店D中餐厅，十几蚊笼果Ｄ牛肉球同鲜竹卷就抵好多，茶钱要成十五蚊个先最贵，又唔系咩高级餐厅，冇可能觉得抵食。