翠湖海鮮飯店

营业中

休息中

呢一間位於大埔大元邨街市上蓋嘅小型酒樓，點心做得唔錯，幾好食。呢度嘅蝦餃畀得上出面好多大酒樓嘅出品，蝦餃皮夠薄，入面粒蝦都算大粒，而且肉質新鮮彈牙。叉燒包都做得唔錯，入面真係有叉燒肉，唔係一味得叉燒醬，佢個包嘅皮比較薄身。蔥花煎腸粉雖然有啲淋劈劈，雖然夾嘅時候黐埋一嚿有啲麻煩，不過都夠香，而且咬落去個質地都唔錯。嗌咗四樣點心之中呢個炸鮮奶就麻麻地好味，冇乜鮮奶香味，好彩佢都唔係炸到好油，同埋外層都有微溫兼且係脆嘅。呢間酒樓仔嘅點心整體都唔錯。