翠湖海鮮飯店

营业中

休息中

呢一间位于大埔大元邨街市上盖嘅小型酒楼，点心做得唔错，几好食。呢度嘅虾饺畀得上出面好多大酒楼嘅出品，虾饺皮够薄，入面粒虾都算大粒，而且肉质新鲜弹牙。叉烧包都做得唔错，入面真系有叉烧肉，唔系一味得叉烧酱，佢个包嘅皮比较薄身。葱花煎肠粉虽然有啲淋劈劈，虽然夹嘅时候黐埋一嚿有啲麻烦，不过都够香，而且咬落去个质地都唔错。嗌咗四样点心之中呢个炸鲜奶就麻麻地好味，冇乜鲜奶香味，好彩佢都唔系炸到好油，同埋外层都有微温兼且系脆嘅。呢间酒楼仔嘅点心整体都唔错。