星點心專門店

营业中

休息中

今晚再访《星点心专门店》，继第一次食过星点虾饺皇、瑶柱灌汤饺 & 四宝鲜鸡扎后，感觉良好，于是再试下其他款式 —— 鲜虾烧卖皇 & 烧汁酿茄子鲜虾烧卖皇即叫即蒸，新鲜滚热辣！第一次食完就系钟意佢哋嘅点心调味啱啱好，唔会太咸，亦冇油腻感！烧卖皇果然冇令人失望！冇肥肉，鲜虾同肉嘅比例适中👍🏻烧汁酿茄子先讲茄子，啲油爆到个茄子皮脆脆地有啲烟靭，香口之余茄子肉仲系好嫩滑！酿喺上面嘅墨鱼滑好弹牙，好有口感！个烧汁亦调配适宜，好味而且浓度刚好，完全唔觉油腻😋不过新鲜炸起嘅酿茄子都非常热，要小心慢慢食唔好辣亲咀呀～🔥👄我估我好快会嚟第三次试埋其他点心～不过烧汁酿茄子绝对系一个encore嘅选择～😚