影片
更多
2023-02-03
368 浏览
香港近年开咗好多点心专门店，标榜手工点心，现场制作、即叫即做，啱晒喜欢一盅两件，但又唔想帮衬集团式酒楼嘅我。最近就有朋友推介咗港湾豪庭广场地下呢间「海湾茶居」畀我，原来店舖除咗主打即制点心之外，晚市仲有精美小菜、海鲜、养生炖汤等供应。拣咗平日嘅下午茶时段到访，店内食客不多，唔使等位就可以直接入座，环境轻松写意，座位阔落舒服。每次去食点心都会嗌虾饺、烧卖同叉烧包，今次当然亦唔例外，三款点心都新鲜热辣，即点即蒸。月满晶莹虾饺皇 ($18) 虾饺斤量十足，两大粒，外形扎实饱满，卖相美观，加上饺皮剔透，虾肉爽口弹牙，食味不俗。另外呢款黑松露北菇烧卖皇 ($18) 亦系必食之选，用上大大粒北菇同厚实入味嘅猪肉炮制，食落非常弹牙，加上顶头嘅黑松露，入口带迷人香气，味道唔错。腩叉叉烧包 ($18)，叉烧包体积不小，包皮甚是松软，入面嘅腩叉非常正，肥瘦均称，加埋啲酱料，咸甜相衬，特别滋味。香麻流沙煎堆 ($18) 煎堆外层黏满了芝麻，食落超香口，脆卜卜、甜腻腻、烟烟韧韧，加上内里香滑微甜嘅奶黄馅，口感一流。另外呢客樱花虾萝卜丝酥 ($38) 亦属水准之作，酥皮造工细致，入口热辣辣、干身又松化，
最近就有朋友推介咗港湾豪庭广场地下呢间「海湾茶居」畀我，原来店舖除咗主打即制点心之外，晚市仲有精美小菜、海鲜、养生炖汤等供应。
拣咗平日嘅下午茶时段到访，店内食客不多，唔使等位就可以直接入座，环境轻松写意，座位阔落舒服。
每次去食点心都会嗌虾饺、烧卖同叉烧包，今次当然亦唔例外，三款点心都新鲜热辣，即点即蒸。
月满晶莹虾饺皇 ($18) 虾饺斤量十足，两大粒，外形扎实饱满，卖相美观，加上饺皮剔透，虾肉爽口弹牙，食味不俗。
另外呢款黑松露北菇烧卖皇 ($18) 亦系必食之选，用上大大粒北菇同厚实入味嘅猪肉炮制，食落非常弹牙，加上顶头嘅黑松露，入口带迷人香气，味道唔错。
腩叉叉烧包 ($18)，叉烧包体积不小，包皮甚是松软，入面嘅腩叉非常正，肥瘦均称，加埋啲酱料，咸甜相衬，特别滋味。
香麻流沙煎堆 ($18) 煎堆外层黏满了芝麻，食落超香口，脆卜卜、甜腻腻、烟烟韧韧，加上内里香滑微甜嘅奶黄馅，口感一流。
另外呢客樱花虾萝卜丝酥 ($38) 亦属水准之作，酥皮造工细致，入口热辣辣、干身又松化，入面嘅萝卜丝好 Juicy，加上樱花虾香气，令人一吃爱上。
食完咁多点心，点返个扬州炒饭 ($50)，嗅下米气。炒得好有镬气，大大碟，份量十足，色泽漂亮诱人，虾仁爽弹、米饭粒粒分明。
最后梗系要以甜品作结，点咗花生糖不甩 ($12) 同 果皮红豆沙 ($16)。
糖不甩面头加咗啲椰丝同花生碎粒，食落几有口感，圆润黏糯；而红豆沙味道亦非常香甜，绵密细腻，陈皮香气十足。
张贴
