影片
更多
2016-01-09
1461 浏览
今日妈妈黎揾我食晏, 就去附近嘅厚和街食泰菜, 但间野排到呕, 于是乎呢就去附近睇吓有冇边间有位啦, 依, 呢间未试过㖞, 就试吓啦. 我哋被安排坐系收银机隔离, 我坐张凳系一张折凳, 坐得唔系太舒服, 谂住快食, 是但啦首先叫咗个煲仔饭, 好似呢间餐厅力推, 就试吓啦, 点知, 伏了! 腊肠超腍, 仲腍过用滚水白烚过嘅香肠咁, 啲鸡咬落去系梅DUR DUR嘅, 一啲都唔新鲜, 另外啲饭系削达达嘅, 呢个煲仔饭好唔掂! 我会比零分!另外我哋仲叫咗其他点心, 首先嚟咗个药膳凤爪, 食落都几好味, 凤爪炆得好腍 (呢个腍系正常呀) , 而且佢哋药膳汤都几足料, 重药味, 唔错!牛肉球, 望落新鲜, 食落亦都松化, 呢个有惊喜㖞!跟住再嚟一个虾饺王, 虾饺亦都系我好钟意食中餐用来做CONTROL EXPERIMENT 既点心, 呢个虾饺SIZE适中, 望落光鲜, 味道保持水准.跟住叫咗一个蜂巢糕, 好似唔系度度有得食㖞, 个样睇起上黎呢好似年糕, 咬落去有啲蜂蜜又有少少黑糖味, 唔太甜, 不过食落呢有啲立口, 我就觉得呢个一般啫. 整体而言, 除咗𠮶个煲仔饭之外, 其他点心都OK, 而呢度嘅
今日妈妈黎揾我食晏, 就去附近嘅厚和街食泰菜, 但间野排到呕, 于是乎呢就去附近睇吓有冇边间有位啦, 依, 呢间未试过㖞, 就试吓啦.
我哋被安排坐系收银机隔离, 我坐张凳系一张折凳, 坐得唔系太舒服, 谂住快食, 是但啦
首先叫咗个煲仔饭, 好似呢间餐厅力推, 就试吓啦, 点知, 伏了! 腊肠超腍, 仲腍过用滚水白烚过嘅香肠咁, 啲鸡咬落去系梅DUR DUR嘅, 一啲都唔新鲜, 另外啲饭系削达达嘅, 呢个煲仔饭好唔掂! 我会比零分!
另外我哋仲叫咗其他点心, 首先嚟咗个药膳凤爪, 食落都几好味, 凤爪炆得好腍 (呢个腍系正常呀) , 而且佢哋药膳汤都几足料, 重药味, 唔错!
牛肉球, 望落新鲜, 食落亦都松化, 呢个有惊喜㖞!
跟住再嚟一个虾饺王, 虾饺亦都系我好钟意食中餐用来做CONTROL EXPERIMENT 既点心, 呢个虾饺SIZE适中, 望落光鲜, 味道保持水准.
跟住叫咗一个蜂巢糕, 好似唔系度度有得食㖞, 个样睇起上黎呢好似年糕, 咬落去有啲蜂蜜又有少少黑糖味, 唔太甜, 不过食落呢有啲立口, 我就觉得呢个一般啫.
整体而言, 除咗𠮶个煲仔饭之外, 其他点心都OK, 而呢度嘅店员嘅服务态度都几好, 我同佢回馈返个煲仔饭个质素, 佢亦都会话跟进一下 , 我觉得可以比多一次机会,张贴
