亞古鍋 (已結業)

早前系同男朋友的1年半纪念日，查实我地都好钟意打边炉架，听朋友介绍话金朝阳呢度有间好有格调既边炉，一于黎试下啦！ 一见到门口，已经好有格调，似高级西餐厅既格局。枱与枱之间空间感多，唔怕逼。打边炉既汤底都简左好耐🙈因为～每～款～都想试！最后简左贵妃锅，成份有当归、人参、桃胶、重点是所有材料酿入原只竹丝鸡内，好足料呀！店员介绍是话要等个汤滚起，就会帮忙剪开鸡件，等所有食材落入汤底，先好饮个汤。第一啖饮落去，同男朋友都互望比眼色，好饮！仔仔本身钟意饮汤，足吾足料，有无味精，一饮就知👍🏻我地一人饮左三碗🤣饮完汤，食物都随随端上。 细份量的蔬菜拼盘，如果二人食，份量都几多。 来一张全家福先😍安格斯牛肉粒，口感爽，渌大约3分钟就8成熟水饺系我地食任何火锅都会叫架，芹菜鲜虾水饺真系好正！惊喜既系鲜虾味无被芹菜味盖过，可想而知鲜虾系有几鲜甜😍手切安格斯肥牛，外型已经好吸引，碌10秒刚刚好，肉质睇相已知新鲜，肥瘦度平均！脆肉鲩鱼是我呢餐最爱既一碟，三个字: 鲜-爽-脆，绝对值得encore ! 依家打边炉除左环境外，更重要当然是食材既质素，呢餐一D都吾平，但就胜在环境同食材都鲜，值得！